Gita Govinda 3.5.2
Śaśilekhā 3.5.2
- Language
- Sanskrit
3.5.2
nikṛntaneti, hrasvekārāntaḥ 'kṛti-cchedane' dhāturiti kecit| keciditi śrīkāntamiśraḥ⁵| yogavibhāgāśrayaṇena pare sādhayanti, śatruvannikṛntaśabdāt tatkaroti=tadācaṣṭe iti ṇic, tato lyuḍiti navīnaḥ pakṣaḥ| tathā ca virahinikarttanakarttāraṃ karoti tādṛśam, yat kuntamukhākṛtītyādi tādṛśaḥ śastraguṇa eva yadacetanamapi yaṃ kamapi virahi nikarttakaṃ karoti saukaryyeṇeti| yadvā virahiṣu nikarttakamācakṣāṇaṃ yatkuntetyādi=kuntākāraketakadarśanena⁶ nikarttanakarttuḥ kāmasya vasantasya vānumānamityubhayathā samajasramiti| yuvatipakṣe - kelisaṃrambheṇa vigalitalajje=vastraskhalanādijñānaśūnye, jagati=vāyau avalokitaṃ yasya, śramanivṛttinimittaṃ⁷ pavanapreritānye⁸ taruṇe=śrīkṛṣṇe, karuṇaṃ=kṛpāsahitaṃ⁹ yathā, tathā kṛto hāso yena| aho! vayamapūrṇakāmāḥ, kathaṃ tvametāvattaiva pariśrānta ivāsīti| virahinikṛntane ¹⁰kuntasadṛśā mukhasya ākṛtiḥ=rūpam, śobhā yebhyaste| mukhe ākṛtiryeṣāṃ te vadanāvalambino vā ye ketakāḥ, ke=śirasi, itāḥ=jātāḥ, keśāstairdanturitā āśā yena, vigalitasya=svarūpajñānabhraṣṭasya, lajjitasya=nijadoṣasmaraṇena jātalajjasya, nijadurācaraṇāt, jagataḥ ³avalokanena taruṇī=navā, karuṇā yasya, ⁴tādṛśena dayāvatā parameśvareṇa kṛte hāse, hasya=śivasya, ⁵svasya āse=sthāne, ⁶āsane ca⁷ svacchatvātparameśvarakṛtahāsa iva|
Linked texts (1)
- Gītagovinda — Jayadeva, Sanskrit