Gita Govinda 17.3

Rasikapriyā 17.3

Language: Sanskrit

17.3

muhuriti | sā muhurvāraṃ vāramavalokitā maṇḍanānāṃ līlā vilāso yayā sā | imāni tāni maṇḍanāni tatsuratasamārambhayogyānīti muhurmuhuḥ kānicitparidadhāti | kiṃbhūtā satī | ahaṃ madhuripuriti bhāvanaśīlā dhyānasvabhāvā | etena strīyogyāni maṇḍanāni muktvā tvadvirahaduḥkhāpanodāya puruṣāyitasuratayogyāni maṇḍanāni dadhānā svayameva tvadrūpībhūya kālamativāhayatītyarthaḥ | athavā tvadalābhātsvayameva tvaṃ ca rādhā ca bhūtvā | 'strīṇāṃ priyālokaphalo hi veśaḥ' iti tvaccetoharāṇi maṇḍanāni ādadhānā varttate |

Previous: 17.2
Next: 17.4
Up: 17

Linked texts (1)

Gītagovinda — Jayadeva, Sanskrit