Gita Govinda 24.4

Rasikapriyā 24.4

Language: Sanskrit

24.4

svabhāvāruṇamapi | punaḥ kiṃbhūtaṃ daśanavasanam | kajjalena maline ye vilocane tayoścumbanena viracito nīlimā yatra tat | atra malinagrahaṇaṃ tannetrayorbahupuruṣopabhogyatvaṃ vyañjayati |
api ca| daśanapadamiti | he kṛṣṇa, tava | etaditi | anyaramamyupabhogacihnitaṃ mayā sahādhunāpi pratyakṣato dṛśyamāne'pi bheda etāmapyavasthāṃ prāpitayā sahābhedaṃ kathaṃ kathayati | ko 'sāvabheda ityāha—daśanapadaṃ dantakṣataṃ bhavadadharagataṃ sat, mama cetasi khedaṃ janayatīti | yasya vraṇastasya vedaneti prasiddhe'nyavraṇo'nyavedanāmādhātīti viruddhaparihārāya bhedaeva ghaṭate | sa ca sutarāṃ viruddha iti |

Previous: 24.3
Next: 24.5
Up: 24

Linked texts (1)

Gītagovinda — Jayadeva, Sanskrit