Gita Govinda 27.1
Rasikapriyā 27.1
- Language
- Sanskrit
27.1
idānīṃ praṇayakopāddharimadhikṣipya kalahāntaritatvenopatapyamānāṃ rādhāṃ sakhyāhatāmatheti | atha sakhī tāmuvāca | kiṃbhūtām | manmathakhinnām | punaḥ kiṃbhūtām | saṃbhogarāgeṇa bhāvaśabalatāptāptām | punaḥ kiṃbhūtām | viṣādasaṃpannām | punaḥ kiṃbhūtām | anudhyātahariceṣṭitām | punaḥ kiṃbhūtām | kalahāntaritām | tallakṣaṇaṃ yathā-'prāṇeśvaraṃ praṇayakopaviśeṣabhītaṃ yā cāṭukāramavadhīrya viśeṣavāgbhiḥ | saṃtapyate madanavahviśikhāsamūhairbāṣpākuleha kalahāntaritā hi sā syāt' || iyaṃ pathyā āryā | tāmathetyādiṣu anukūlo nāyakaḥ | prauḍhadhīrā mānavatī nāyikā | sakhī dūtī ca |
tadeva vakṣyamāṇamāha-harirabhīti | tatra pūrvaṃ dhruvaḥ | mādhava iti | aye rādhe mānavati | anuca samarthanārthāyikānāthe | (?) iti dhruvaḥ || atha padāni haririti-he sakhi rādhe, bhavane gṛhe | aparamiti sāvadhiko nirdeśaḥ | ataḥ
kiṃ ca | tāleti | kucakalaśaṃ kalaśavatpīnaṃ māṃsalaṃ stanaṃ kimiti viphalīkuruṣe | kṛṣṇakarasparśādeva kucakalaśayoḥ sāphalyam | tadabhāve vaiphalyamiti bhāvaḥ | tālaphalāpekṣayāpi guruṃ kaṭhinamatisarasaṃ ca | rasaḥ śṛṅgārākhyastatsahitam | tālaphalapakṣe raso mādhuryaṃ tatsahitam | atimardanena vai rasapradatvaṃ bhavati | aparaḥ kalaśo'pi pūrṇaḥ sangururbhavati | raso jalaṃ tatsahitaśca bhavatītyapi dhvanitam |
Linked texts (1)
- Gītagovinda — Jayadeva, Sanskrit