Gita Govinda 3.7
Rasikapriyā 3.7
- Language
- Sanskrit
3.7
nāmno muranāmno narakanāmno daityasya vināśana vināśakārin | anenāpi sāmarthyamuktam | punaḥ kīdṛśa | surakulakelīnāṃ devasamūhakrīḍānāṃ nidāna ādikāraṇa | anenāpi sāmarthyamuktam | 'suro devaḥ' iti viśvaḥ | 'sajātīye gaṇe gotre dehe'pi bhaṇitaṃ kulam' iti ca | 'nidānaṃ tvādikāraṇam' ityamaraḥ |
tava caraṇeti | upasaṃharati | he uktarūpa śrīkṛṣṇa | vayaṃ tava caraṇaṃ praṇatāḥ tava caraṇe kṛtanamaskārā iti bhāvaya cintaya | iti padam | praṇateṣvasmāsu kuśalaṃ kuru | jayetyādi dhruvaḥ | 'bhū śuddhicintāmiśraṇeṣu' curādiḥ parasmaipadī | tasya prayogo bhāvayeti |
Linked texts (1)
- Gītagovinda — Jayadeva, Sanskrit