Gita Govinda 4.7
Rasikapriyā 4.7
- Language
- Sanskrit
4.7
klānmahīpatiśabdasāhacaryādavirodhaḥ | athavā hemadaṇḍarucīni kesarāṇīti yojyam| mahīpateragre kanakavetradhāriṇo bhavanti | militeti | saṃgataśilīmukhaiḥ pāṭalapaṭalaiḥ pāṭalākusumasamūhaiḥ | athavā pāṭilapaṭaleti pāṭhaḥ | kṛtaḥ smaraśaradhivilāso'nukāro yatra | śilīmukhā bhramarāḥ bāṇāśca | 'alibāṇau śilīmukhau' ityabhidhānāt |
sphuradatimuktalateti | kiṃbhūte vasante | sphurantyaścalantyo'timuktalatāyā vāsantyāḥ parirambhaṇena mukulitaḥ puṣpitaḥ pulakitaḥ jātaromāñcaśca cūtaḥ| atra puṣpāṇi romāñcenopamīyante | anena sāttvikabhāvo darśitaḥ | vṛndāvaneti | atra pūrve dhruvapade iha vane hariviharatītyaṣṭapadyā ekavākyatvāt | vihārāddheyatve vṛndāvanaśabdo vyākhyātaḥ | saṃprati vasantaviśeṣaṇatvena vyākriyate | kiṃbhūte vasante | vṛndāvanavipine | vṛndamavatīti vṛndāvanaṃ tadvipinaṃ yasminsa tathā tasmin parisare paryantabhuvi parigataṃ yadyamunājalaṃ tena pūte |
Linked texts (1)
- Gītagovinda — Jayadeva, Sanskrit