Gita Govinda 5.7

5.7

latale gaṇḍapradeśe cāru manoharaṃ yathā syāttathā cucumba | kiṃbhūtā | sakhīṣu cāturyātkimapi kāryāntaraṃ lapituṃ śrutimūle lagnā | kiṃbhūte śrutimūle | anukūle'bhimukhamānīte | kiṃbhūte kapolatale | romāñcopalakṣite | hareḥ sāttvikabhāvena romāñcodgamaḥ | atrānugantumaśaktā kāryāntarakathanavyājena hariṃ sthāpayatīti nitambavatītyucitam | sakhīṣu dayitacumbanaṃ lajjākaramiti kāryāntaravyājocitī | atra prauḍhā nāyikā | anukūlo nāyakaḥ |
ekasyaiva hareḥ prākāmyasiddhyā sarvābhiḥ sahaikakālaṃ krīḍanamāha-śliṣyatīti | sa harī rāsarase kvacitkāmapi anyayānyayā saha uktarītyā krīḍati | rāmeti ramaṇaśīlā tāṃ ramayati | smitacārutareti rasaceṣṭerupalakṣaṇam | smite hi ratibhāva ulbaṇo bhavatīti | vāmāmityanunaye'pi parāṅmukhītvam | tāmanugamanena sādhayatīti cāturyam | athavā nānārūpāṇi vidhāya tayā tayā saha tayā tayāvasthayā krīḍitavān | athavā samamevaikāmāśliṣya tāmāśliṣanneva parāṃ cumbati | tatkurvannevānyāṃ ramayati | ceṣṭāviśeṣeṇa tadaivānyāṃ paśyati | anyāmanugacchatītyanukarotīti yojyam | śliṣyatītyādiṣu krameṇa śaṭhadhṛṣṭadakṣiṇānukūladhūrtā nāyakāḥ | nāyikāstu abhisārikā eva |