Gita Govinda 6.7
Rasikapriyā 6.7
- Language
- Sanskrit
6.7
yena | punaśca karau ca caraṇau ca uraśca teṣāṃ samāhāraḥ karacaraṇoraḥ | prāṇyaṅgatvātsamāhāraḥ | 'amūrdhamastakātsvāṅgādakāme' iti saptamyā aluksamāsaḥ | tatra sthitānāṃ maṇigaṇabhūṣaṇāṃ kiraṇairvibhinnaṃ tamisraṃ yena sa tathā |
viśadeti | viśadakadambatale militam | arthānmunyādibhirupasthitam | ata eva kalikaluṣabhayaṃ śamayantaṃ pāpaṃ nāśayantam | punaḥ kiṃ kurvantam | manasā karaṇabhūtena taralataraṅganaṅgadṛśā | taralā cāsau taraṅganaṅgā ca | taraṅgansamūcchrannanaṅgo yatra tathāvidhayā dṛṣṭyā māmapi ramayantam | apīti gopīśca | ata eva kalikaluṣabhayaṃ kalahakāluṣyabhayaṃ śamayantam | atra taraṅganaṅgeti sarasadṛṣṭiruktā |
Linked texts (1)
- Gītagovinda — Jayadeva, Sanskrit