Gita Govinda 9.4

Rasikapriyā 9.4

Language: Sanskrit

9.4

vaṃśasthavṛttam |
cintayāmīti | ahaṃ tadānanaṃ cintayāmi smarāmi | kīdṛśam | roṣabhareṇa kopātiśayena kuṭilabhru kuṭilā vakrā bhrūryatra tādṛśam | kimiva | upari bhramatā bhramareṇākulaṃ vyāptaṃ śoṇapadmamiva | atra roṣāruṇe mukhe śoṇapadmasādṛśyaṃ bodhyam | vāraṃvāraṃ vakrībhavantyorbhruvośca bhramadbhramaropamā bodhyā | anena guṇakīrtanākhyā caturthāvasthā | taduktam—'aṅgapratyaṅgalīlābhirvākceṣṭāṅgasitekṣaṇaiḥ| na tasya sadṛśaḥ kaścidityādi guṇakīrtanam ||' iti | 'śoṇaḥ kokanadacchaviḥ' ityamaraḥ |

Previous: 9.3
Next: 9.5
Up: 9

Linked texts (1)

Gītagovinda — Jayadeva, Sanskrit