Gita Govinda 11.5

Commentary of Mānāṅka 11.5

Language: Sanskrit

11.5

kaṃsaṃ dveṣṭīti kaṃsadviṭ tasya kaṃsadviṣo bāhurbhavataḥ śreyāṃsi śubhāni tanotu vistārayatu| kimbhūto bāhuḥ| govardhanaṃ vibhrat dhārayan| kiṃ kṛtvā| uddhṛtya| kasmāt| vṛṣṭivyākulagokulāvanavaśāt prakupitendraprayuktapracaṇḍavṛṣṭayā vyākulaṃ yadgokulaṃ tasyāvanaṃ rakṣaṇaṃ tasya vaśāt| kimbhūtasya kaṃsadviṣaḥ| gopatanoḥ gopasyeva tanuryasya sa tasya| kimbhūto bāhuḥ| garveṇaiva tadarpitādharataṭī tasyāḥ sindūraṃ tasya mudrā tayā aṅkitaḥ cihnitaḥ vallavānāṃ gopānāṃ vallabhābhiraṅganābhiḥ adhikānandāt ciraṃ cumbitaḥ|
iti śrīgītagovindaṭīkāyāṃ snigdhamādhavo nāma caturthaḥ sargaḥ|
uttaragītārthaṃ ślokena sūcayati| ¹ahamihetyādi—

Previous: 11.4
Next: 12.1
Up: 11

Linked texts (1)

Gītagovinda — Jayadeva, Sanskrit