Gita Govinda 15.5
Commentary of Mānāṅka 15.5
- Language
- Sanskrit
15.5
ahaha kaṣṭam | ahaṃ kalayāmi | valayādimaṇibhūṣaṇam | ādiśabdena bisakisalayādikamapi prāpyate | kimbhūtam | bahudūṣaṇam | kena | harivirahadahanavahanena hareḥ sakāśādviraho viśleṣaḥ sa eva dahanaḥ kṛśānuḥ tasya vahanaṃ dhāraṇaṃ tena | kusumasukumāretyādi |
kathambhūtā sā | dayito mādhavastasya vilokitaṃ tena lajjitā hasitā ceti | atra sthitena keśavena mama puraḥ sarvāṅgamavalokitaṃ nirūpitaṃ ca strīsvabhāvāllajjitā | mayā abalayā kadāpi viparītena ratena kiṃ sa bhavān vañcayitavya iti hasitā | punaḥ kimbhūtā | bahuvidhena sārasa-pārāvata-lāvakādiśabdavat kūjitena ratirasena kokapañcasāyakādikāmaśāstragṛṅgāre rasitaṃ śabditaṃ yayā sā tathā |
vipulapulaketyādi |
Linked texts (1)
- Gītagovinda — Jayadeva, Sanskrit