Gita Govinda 15.7

15.7

kiñca ahaṃ vane nivasāmi | sahāyābhāve kathaṃ na vibheṣi | tatrāha—na vigalitabalacetasā ⁴vigalitaṃ balaṃ ca cetaśca yasyāḥ sā tayā | sahāyābhāve'pi tena svadhairyeṇeha vasāmi iti bhāvaḥ ⁵| anugaṇitavanavetaseti pāṭhe | kimbhūtāham | viśeṣeṇa gaṇitā vanavetasā yayā sā tathā | kintu madhusūdano'pi māṃ tatparāṃ cetasāpi na smarati |
haricaraṇetyādi |
punaḥ kathambhūtā | śramajalakaṇabharasubhagaśarīrā | śrameṇa ¹jalaṃ svedaḥ tasya kaṇāḥ ²teṣāṃ bhara ādhikyaṃ tena subhagaṃ ³śrīyuktaṃ śarīraṃ yasyāḥ sā tathā | punaḥ kimbhūtā | paripatitorasi ratiraṇadhīrā | bhartuḥ svāminaḥ urasi hṛdaye pari samantādbhāvena patitā satī, ⁴ratiraṇe suratasaṅgrāme dhīrā kuśalā ⁵gāḍhāliṅgana-cumbananakhāghātādikarmalolupapuruṣanārāyaṇa⁶nirdayatraṇabharasahanasamarthā ityarthaḥ |
śrījayadevetyādi |