Gita Govinda 26.3

Commentary of Mānāṅka 26.3

Language: Sanskrit

26.3

punaḥ kimbhūtam| śyāmalamṛdulakalevaramaṇḍalaṃ śyāmalaṃ ca tanmṛdulaṃ komalaṃ ca evaṃ viśiṣṭaṃ kalevarasya śarīrasya maṇḍalaṃ yasya sa tathā tam| punaḥ kimbhūtam| adhigatagauradukūlam adhigataṃ parihitaṃ gauraṃ pītaṃ dukūlaṃ kauśeyaṃ yena sa tathā tam| kimiva| nīlanalinamiva nīlaṃ ca tat nalinaṃ ceti| kimbhūtam| pīta-parāgapaṭalabharavalayitamūlaṃ pītaścāsau parāgaśceti tasya paṭalaṃ nikurumbaṃ tasya bharaḥ ādhikyaṃ tena valayitaṃ pariveṣṭitaṃ mūlaṃ yasyaṃ sa tathā tam| nīlotpalaṃ yadā pītaparāgeṇa veṣṭitaṃ bhavati tadā nīlanalinaṃ bhavatītyāśayaḥ| upamālaṅkāraḥ|
taraletyādi |

Previous: 26.2
Next: 26.4
Up: 26

Linked texts (1)

Gītagovinda — Jayadeva, Sanskrit