Gita Govinda 6.5
Commentary of Mānāṅka 6.5
- Language
- Sanskrit
6.5
punaḥ kimbhūtayā | kokilakalaravakūjitayā| kokilasya kalaśvāsau ravaśceti madhuradhvaniḥ tadvat kūjitaṃ yasyāḥ sā tayā | taṃ kathambhūtam | jitamanasijatantravicāram | ⁸tantrasya śāstrasya vivekaśāstrasya vicāraḥ paryālocanam | jito dūrīkṛtastiraskṛtaḥ manasijena anaṃkegena (? anaṅgena ) tantravicāro yasya sa tam | athavā | manasijasya kāmasya tantraṃ śāstram | tasya vicāraḥ sa eva jito yena sa tathā taṃ samadhigatakāmaśāstram | punaḥ kimbhūtayā | ślathakusumākulakuntalayā| ślathāni śithilāni ca kusumāni ceti| tairākulā vyākulāḥ [ kuntalāḥ ] keśā yasyāḥ sā tathā | ⁹'cikuraḥ kuntalo vālaḥ kacaḥ keśāḥ
śiroruhaḥ' ityamaraḥ | punaḥ kimbhūtaṃ tam | [ nakhalikhitaghanastanabhāram |] ¹nakhai— likhitau nibiḍau stanabhārau yena tam |
caraṇetyādi |
Linked texts (1)
- Gītagovinda — Jayadeva, Sanskrit