Gita Govinda 10.9

10.9

tvayi vimukhe parāṅmukhe sati sudhānidhiramṛtanidhiścandro'pi tanudāhaṃ maccharīrasaṃtoṣaṃ tanute vistārayati | tvaṃ māyā lakṣmyā dhavaḥ svāmī | candrasya samudrotpattitvāllakṣmyāḥ sahodara iti | tvayi nikaṭasthite sati sapatnyā api me kimapi na kartuṃ śaknoti | tvayi pratikūle ca sati svabhaginīsāpatnyaṃ mayi smaransudhānidhirapi me tanudāhaṃ tanute iti mādhavapadena dhvanitam | sudhānidhestāpakāritvaṃ viruddhamiti viruddhanāmāyamalaṃkāraḥ |
8 || śrījayadeveti | jayadevabhaṇitaṃ jayadevakavitvamatiśayitaṃ yadi manasā naṭanīyaṃ nartitavyaṃ tadā idaṃ hariviraheṇākulā vyākulā yā ballavayuvatistasyā sakhī dūtītvena preṣitā tasyā vacanaṃ paṭhanīyam | iyaṃ virahotkaṇṭhitā nāyikā | talakṣaṇaṃ tu prāgevoktam |
sā tvāṃ vinā kutrāpi na nirvṛtiṃ labhata ityata āha—āvāsa iti | tasyāstvadviraheṇāvāso mandiraṃ vipināyate'raṇyamivācarati | yadā tvadviraheṣvadḥkhāsahiṣṇutayā jīvitamapi tyaktuṃ pravṛttā bhavati tadā sakhībhirnivāryata iti | svacchandavyavahārapratibandhakatayā jālavadācaratīti bhāvaḥ | atha tāpo virahajanitastāpo niḥśvasitena niśvāsena dāvadahanajvālāyā dāvāgniśikhāyā yaḥ kalāpaḥ samūhaḥ sa ivācarati | aparo'pi dāvā-