Gita Govinda 3.9

3.9

spaṣṭa | sā munimanomohanakāriṇī | kimanyeṣāṃ vaktavyamiti bhāvaḥ | punaḥ kīdṛśe | taruṇānāṃ vilāsiyuvajanānāmakāraṇabandhau svābhāvikamitre | 'vimardotthe parimalo gandhe janamanohare' iti |
saṃprati vasantakālīnavāyorapi virahijanasaṃtāpakāritvamāha—dareti | iha hi asminneva vasante gandhavāho vāyuśceto dahati | arthādvirahiṇām | kiṃ kurvan | kānanāni vanāni vāsayansurabhīkurvan | kaiḥ | daraṃ īṣadvigalita vikasita mallivallirmallikātā tasyāḥ sakāśāccañcantaḥ prasaranto ye parāgāḥ puṣpareṇavasta eva prakaṭitāḥ paṭavāsāḥ piṣṭātakāstaiḥ | kīdṛggandhavāhaḥ | ketakīgandhabandhuḥ ketakīpuṣpasaurabhabandhuḥ | punaḥ kīdṛśaḥ | prasarataḥ pratidiśaṃ saṃcarato'samabāṇasya kāmasya prāṇavatprāṇasadṛśaḥ | yadvā prasaratā asamabāṇena prāṇavān śaktisaṃpanno yo gandhavāha ityekapadam | ‘īṣadarthe daro'vyājam’ iti viśvaḥ | ‘parāgaḥ puṣparajasi’ iti ca | ‘piṣṭātaḥ paṭavāsakaḥ’ ityamaraḥ | ‘kānanaṃ vanam’ iti ca| ‘asavaḥ prāṇāḥ’ ityapi | ‘śaktiḥ parākramaḥ