Gita Govinda 4.5

4.5

dhīra uttamānāṃ smitaṃ bhavet ||' iti |
kelikaleti | kācidgopī amuṃ kṛṣṇaṃ kelikalākutukena dukūle paṭṭavastraviṣaye vicakarṣākṛṣṭavatī | dukūlaṃ gṛhītvāmuṃ kṛṣṇaṃ vicakarṣeti kecidyojayanti| kīdṛśam | mañjulo manohoro vañjulo vetaso yatra tādṛśo yaḥ kuñjastatra gataṃ prāptam | kutra vicakarṣa | yamunājalakūle yamunāyā jalayukte rodhasi vañjulakuñjasthaṃ kṛṣṇaṃ yamunākūlaṃ prati krīḍārthamākṛṣṭavatītyarthaḥ | atra anyānuraktasya kṛṣṇasya nāyikayā vastrākarṣaṇādadhīratvaṃ tasyā vyaṅgyam| ‘kutukaṃ tu kutūhalam’ ityamaraḥ| ‘manojñaṃ mañju mañjulam’ iti ca| ‘vañjulo vetase’ iti viśvaḥ | ‘dukūlaṃ kṣaume sūkṣmāṃśukai'pi ca’ ityapi |