Krishnagiti 2.273

2.273

prāpya prāgjyotiṣākhyaṃ puravaramadhikaṃ durgamaṃ durgavargaiḥ
kaumodakyā girīndrānapi varaṇagaṇaṃ śastrasārthaṃ śaraughaiḥ
cakreṇāgnyambuvāyūndṛḍhataramurapāśāvalīṃ nāndakena
kṣiptaṃ saṃhṛtya dadhmau prasabhamatha bhavān pāñcajanyaṃ ca dhanyam 272
bhairavirāgeṇa gīyate
ekatāḷena vādyate
mukharaṃ svadaraṃ mukhaśītikare
nyadadhā dayitāsahito nu hare
pallavam
garuḍe vyalaso'tha raṇaṃ laṣatāṃ
ninadena bhayaṃ janayan dviṣatāṃ
sa niśamya tadā ninadaṃ nilayādasuro'tha muro'tiruṣā nirayāt
mukhapañcakanissṛtanisvanitairmukharaṃ bhuvanaṃ racayannamitaiḥ
abhipatya duratyayavikramavānabhipatryaṃ (1) dhipatyurusārthakavān
niśitatriśikhapramukhāyudhavān
vyakirattvayi patrivarān (1) balavān
drutamacchinadacyuta tadviśikhān
nijapatrivarairatha tīkṣṇaśikhān
vyasṛjañca bhavānviśikhapravarān
(2) prasṛtapratigho yudhi dīptaratān
anavekṣya tadāśu sa pakṣipatiṃ
prati pakṣahatapratipakṣatatiṃ
vyasṛjattriśikhaṃ jvaladagniśikhaṃ
vyanadacca diśo dalayannapi khaṃ
tvamidaṃ laghu patrayujārditavānarimapyariṇājita marditavān
sabale'tha mure nihate balavān
narako ruṣitaḥ svayamāgatavān
adhirūḍhavato yudhi rūḍhamidaṃ
sudurāsadaśūlabhṛtaḥ prasabham
triśikhaprahṛteḥ purato hṛtavān
galato'sya śiro'rivareṇa bhavān
ghātaṃ nīte'tighore naraka iha bhavānasya putrāya datvā
rājyaṃ vācā dharitryā bhavasakha bhagadattāya gehaṃ praviśya
kārāgāre niruddhā |nijapuramanayo vyaṣṭasāhasranārīḥ
svargaṃ prāpyāditeḥ kuṇḍalamadita jitendro'haratpārijātam