Krishnagiti 2
Kṛṣṇagīti 2
- Language
- Sanskrit
Contents
- 2.221 — 6 parts
- 2.235 — 4 parts
- 2.276 — 10 parts
- 2.288 — 6 parts
- 2.318 — 4 parts
- 2.332 — 8 parts
- 2.344 — 3 parts
2.1
nandanaṃ hṛdayanandanaṃ praṇayamandiraṃ janitakautukaṃ
svāpayantyajita pāyayantyapi payodharaṃ madhuragītakam
tāvakīnavaravaṃśikāvirutanūtanāmṛtaniṣevayā
gopikā vidhutabālakā vipinamāpa kāpi vivaśāśayā 115
ācarantyadhigatādaraṃ caraṇamardanaṃ praṇayasaṃyutā
mātaraṃ tvaritamāturāmapi parā vidhūya vipinaṃ gatā
vyādhitaṃ kṣudatibādhitaṃ sumahitādhikaṃ bata parābhikaṃ
mānayantyajita bhojayantyapi ca santyajantyayigatāārditam 116
devadeva nanu devanena niśi khelane varatanū ratā
kāmukena varadhāmakena saha taṃ vihāya vipinaṃ gatā
nirbharaṃ hi parirabhya nidritamapāsya kāpi nijakāmukaṃ
nirbhayaiva niśi nirjagāma laghu nirjarendra puru kautukam
2.120
17
ākulā manasijāśugāvalibhirāśu kāpi paśūpāṅganā
yātumīśa vihitāśayā bata nijānukena kṛtabandhanā
bandhamocanasamīhinīdamupalabhya yadvadiha yoginī
hanta sā khalu bhavantamāpa laghu bhāntamantaraviyoginī 118
śroṇibhāra urutārahāramurasīśa sārasanapāḷikāṃ
dhārayantyadhikadhāmni kā sapadi dhāvitā paśupabālikā
añjanaikadṛśamañjanena sukhamañjatī sutanurekiṃkā
saṅgagāma vanamañjanābha laghu kañjanābha saśalākikā 115
keśaveśa ghanapeśale ruciniveśane ruciragātrikāṃ
keśaveśa iha kāmaveśavivaśā nivadhya maṇipātrikām
mālatīkusumamālikāmapi payodhare'dhikamanohare
bālikāśu paśupālikā sarasamāpa kāpi vipinaṃ hare
2.122
māmayaṃ manasijāmayaṃ manāsi jājvalaṃ madhuharo'dhunā
soḍhumakṣama tayoḍharāgāmiha gūḍhamāhvayati veṇunā
devadeva vanametadeva yayurevameva vihitāśayā
vyākulā nikhilagopikā na viditā mitho hi bhavadāśayā 121
ramye dhammillabandhe lasitamatilasaccandrikaiḥ piñchajālaiḥ
kānte dantacchadānte mukharamurālakaṃ vakṣasi sphārahāram
nissīmābhaṃ nitambe viśadatarapiśaṃgāmbareṇāmbujākṣyo
vyatyastaṃ pādayostvāmatikutukamalokanta lokābhirāmam
2.123
bandhūn saṃbhāvayantyo gurujanamapi śuśrūṣayā toṣayantyaḥ
sūnūn saṃlāḷayantyo vayamapi ramayantyo'parānārtabandho
sarvāścākṛṣya nītā vanamayi muraḷīnādamantreṇa vegāttasmādasmān bhajasvetyavaśamavanatā mutpade tvatpade tāḥ
2.124
pādāgrabhāgavinatāḥ paśupālabālāḥ
saubhāgyagarvitadhiyo'tha vibho vibhāvya
mandasmitātivilasadvadanāravindo
mandasmitā vadasi vāmamavāmacetāḥ
2.125
kedārappanturāgeṇa gīyate
campatāḷena vādyate
svāgatamudyatu sukṛtavatīnāṃ
sāmpratamayi bhavatīnāṃ
yānata iha laghu khedavatīnāṃ
śīlitamṛdulagatīnāṃ
pallavam
lokavilocanalobhanaheḷāḥ
he gopālamaheḷāḥ [lo0 ]
ānanalaṅghitapaṅkajajātāḥ
yūyaṃ jagati sujātāḥ
matkṛtasukṛtavaśādabhijātā
dṛkpathayātā jātāḥ [ loka ]
alamalasamapāsitadhṛtisāraṃ
kaṭitaṭakucakacabhāraṃ
kimiti vyathitaṃ caraṇamudāraṃ
navakisalayasukumāraṃ [ loka ]
iha mama bhajanakṛte yadi yānaṃ
taducitamupacitamānaṃ
tadapi gṛhānita dūre nūnaṃ
phalato bhajanamanūnaṃ [ loka ]
svayamāpatitā sumahtikāmā
kathamiva neyā vāmā
tadapi satīnāṃ mama nanu vā mā
matiriha saṅge'vābhā [ loka ]
paticaraṇaparicaraṇamaśeṣāṇāṃ
parijahadiha yoṣāṇāṃ
nipatati bata nivaho'viṣahāṇāmudare khalu nirayāṇāṃ [ loka ]
asadṛśamadṛśaṃ patimurukopaṃ
vyasaninamitadhanalopaṃ
aśubhagamapi jaraṭhaṃ jaḷarūpaṃ
na satī tyajati virūpaṃ [ loka ]
ratiriha varapuruṣe vanitānāṃ
padamayi paramasukhānāṃ
suruciramāvāsamamuṃ tvaritaṃ
tadayata mānyaṃ dayitaṃ [ loka ]
snehāviṣṭā maheḷātatiririti giramākarṇya vaktrodgatāṃ te
hā hā kaṣṭaṃ karāḷā khalu garaḷajharī nissṛtādyāmṛtāṃśoḥ
kiṃ kurmaḥ kiṃ vadāmaḥ śiva śiva śaraṇaṃ kaṃ prayāmo vrajānaḥ
kutrāyaṃ rāgabhāro hṛdaya iha paraṃ no jariṣyatyavaśyam
2.126
evaṃ sā cintayantī muramathana muhurniśśvasantī ca dīrghaṃ
gambhīre'mbhodanāde prasarati bhujagīvākulā dīnadīnā
muñcantī bāṣpadhārā mukhamavanamayantī likhantī padā gāṃ
vaktavyānyatva yuktānyanavagatavatī duḥsthitātmaiva tasthau
2.127
roṣabrīḷāviṣādairapi vivaśadhiyaścañcalākṣyaḥ kathaṃcit
kiṃcitsaṃśritya dhairyaṃ nayanasarasije bāṣparuddhāvaloke
bāhvāgreṇāvamṛjya praṇayaparavaśā bhaṅguraistvāmapāṅgaiḥ
sabhrūbhaṅgaṃ sarāgaṃ sphuradadharapuṭaṃ vīkṣamāṇā jagustāḥ
2.128
indieśarāgeṇa gīyate caṃpatāḷena vādyate
bhuvanakamanākṛte tāvake pādapāthojake pātukā māhitakāmāḥ
gaditumiti kimucitaṃ no nikhilamapi
vidhūyāgatā hanta mā saṃtyajemāḥ
pallavam
jaya jaya ramāramaṇa kṛpaṇabandho
jaya jaya satāṃ śaraṇa karuṇaikāsindho [ jaya ]
api kuhacidiha jagati vijahāti
kimu vārivāho hi cātakīradhikadīnāḥ
api ca visṛjedamṛtakiraṇo hi kairavāṇāmiha kimāvalīrātmalīnāḥ [ jaya ]
ātapādatipipāsāturā taṭagatā
mṛgavadhūtatiraho bhūritāpā
bhuvanādhihāreṇa kāsārakeṇa yadi
vāryate kā gatiḥ pūritāpā [ jaya ]
bhadra śatapatrasamavaktra nanu bhaktajanamatra sa tu padmanābho yathā vā
bhaja tathā punarimā vayamimāmayi sakhe
bata sahemahi rujāmiha kathaṃ vā [ jaya ]
tadabhinavatāruṇya tava mahitakāruṇyapadapavitāraṇyabhuvi niṣaṇṇāḥ
tvāṃ bhajāmo vividhaguṇavareṇyaṃ
vinutajanaśaraṇyaṃ viṣamaśaraviṣaṇṇāḥ (jaya)
bhavadapāhatahṛdāṃ kimapi no vicalato
na tu padau kathamamau mahitabāho
muraḷivaraga.najāmayi madanadāhikāmadharasudhayāśu nirvāpayāho (jaya)
sumukha yadi vimukho'si jana eṣa dagdhatanuretya ca tvāṃ bhavetsaphalakāmo
bhavavirodhī bhavān kiṃ cāyamapi pañcasāyako jāyeta viphalakāmo (jaya)
sudatīnāmuditamidaṃ rudatīnāmatha niśamya ramyatano
karuṇākara sapadi bhavān karuṇākuladhīrabhūdvibho nitarām
2.129
ābhīrīṇāmāśāmābhīkṣṇyādarthitāmabhipātum
ābhī rasena virahādābhīrubhiracaladacalahṛdaya bhavān
2.130
mandaraṇanmañjīro mandasmitasundarānanendubordergāt
nandaja calavanamālo nandanmuditābhiratha yamunām
2.131
gopībhiruttarīyerākalpitasaṃstaro niṣaṇṇa iha
ātmārāmo'pi bhavānārabdhābhiḥ samaṃ tadā rantum
2.132
lalitaiḥ keḷīlapitairlasitairhasitaiśca cumbanaiḥ kamanaiḥ
kṛtamohai rupagūhairapi tāsu tadodṛjṛmbhayo madanam
2.134
atikamanādurujaghanānnrivīṃ nāvainnitāntaviślathitām
kucayugaḷādapi gaḷitāṃ laḷitāṃ vanitājano'pi kañcuḷikām
bhavadarpitadantavraṇamaṇḍanalābhena kāpi gopavadhūḥ
itaraṃ maṇḍanavṛndaṃ nininda nitarāmanindanīyamapi
2.135
kalaśapayodhe ruditaṃ tridaśagaṇāya diśo'mṛtamakāmaḥ
adhunā punaradharāmṛtamarpayitāsāṃ svayaṃ na tṛpto'bhūḥ
2.136
pramadāpāditamudayadrāgabharādadhikaruciramāśleṣam
prāpya yathepsitamamunā mumude jagadekanātha he bhavatā
2.137
sutanūnāṃ yā saṃkhyā svatanumapi tāvatīṃ bhavān kṛtavān
mañjuḷakuñjagṛhādiṣu mandamupānīya tā batāramayat
2.138
mayi mayi māyāviklaṃ vilīyate'meyarāgabharato'yam
iti madabharamapanetuṃ drutamatha tāsāṃ tirodadhātha vibho
2.139
advaitānandasindhāviti sapadi nipātyāṅganāḥ svāvalambāḥ
kāntāre'ntarhite tvayyatha madarahitāṃ gūḍhamādāya rādhām
bhagnāśāstāḥ śucā tvāṃ nigamahṛdi nigūḍhaṃ vane mārgayantyo
vārtāmārtekabandho tava ca tarulatāḥ praśnayantyo viceruḥ
2.140
nādarāma krirāgeṇa gīyate
ekatāḷena vādyate
tvamaśoka niśāmaya śokavaśāḥ
nanu śokavināśana no vivaśāḥ
kapiśadukūlaṃ kamanīyāṃsaṃ
kimalokaya iha kamapi pumāṃsaṃ
pallavam
yadi sa tu dṛṣṭo vada bata vārtāḥ
drutamayi jīvaya no bhṛśamārtāḥ (yadi)
tāvakanavakisalayamṛdulābhyāṃ
cārutarāmalapadamalābhyāṃ
vicaraṇapara iha nirupamaheḷaṃ
vipine vivaśitanikhilamaheḷaṃ (yadi)
parimaḷaparamaniketana gahane
nanu ketaka ko'pi yuvā gahane
bhavatāloki kimatikamanīyo
bahusukṛtavaśādiha mahanīyau (yadi)
tāvakamañjulanavamañjarikāmañjutarābhogavibhañjanikā
prasṛtātirucībhararamaṇīyā
prasṛtāyugaḷīha ha ha yadīyā (yadi)
kṛtamāla sakhe madanasamānaṃ
dyutijālanidhe niravadhimānaṃ
kamapi yuvānaṃ kaḷamṛdugānaṃ
kimu lokitavānasi lasamānaṃ [ yadi ]
mahati yadīye jaghane'tighane
manasijabhavane bhuvane kamane
parihitamambaramatikramanīyaṃ
bhavadīyamaṇīva (ca) karamaṇīyaṃ
caladalavilasita ko'pi ca pāko
nanu caladala sucaritaparipāko
nikhiladṛśāṃ niravadhisukṛtavatā
kimaloki vane vijane bhavatā [ yadi ]
bhavadīyāmalaṃddalatulanīyaṃ
jagatīhādhikatarakamanīyaṃ
yuvato janamānasamadanīyaṃ
jagatīpadmudaraṃ hi yadīyaṃ [ yadi ]
supalāśa palāśaka capalāśaṃ
vismṛtayaśoviśaditanikhilāśaṃ
kamapi bhavānmukhavijitakaleśaṃ
puruṣaṃ kimalokata sakaleśaṃ [ yadi ]
lalanāmānasavicalanamūle
lakṣite hi yadīye bhujamaূলে
navanavarekhāvilasitasamitā
tava mukuḷavarai rucitatisamitā [ yadi ]
kuravakalatike kusumavilasite
parimaḷabharite kimu dṛśamayi te
iha ko'pi yuvā śiśirīkṛtavān
janamamumadhunā vidhurīkṛtavān [ yadi ]
tava korakanikarairadhikamaho
tulanāmayate jananayanamaho
jagatīha yadīyo radanivaho
ruciratarāmalarucinikaravaho [ yadi ]
sakhi kamalini kamanavilāsavatī
nanu lokavilobhivilāsavatī
purutarasuṣamaṃ tvamadṛṣṭavatī
paramaṃ puruṣaṃ kimu dṛṣṭavatī [ yadi ]
tava navadaḷadaḷitā bhuvi sārā
dṛgiha yadīyā vijitavisārā
paridhu yāyuvatītatidhṛtisārā
mahitarucībharamamitamasārā [ yadi ]
kuvalayavana nanu kuśalaṃ bhavate?
kuvalayavara iha ko'pi yuvā te
savidhaṃ kimito madayan hṛdayaṃ
sajalapayodharaparamasuhṛdayam [ yadi ]
tāvakasuṣamāmanuharamāṇo
bhāvakajanacetasi ramamāṇo
jagati yadīyo ghanacikurabharo
lasati mahīyo ghanarūcirabharo [ yadi ]
evaṃ pṛcchantya etā vividhatarulatāḥ saṃcarantyo vanānte
dṛṣṭvā pṛṣṭādhibhārāṃ gaditanijadaśāṃ tāṃ purodhāya rādhām
sarvāḥ saptāśvaputrīpulinamupagatā raṃhasā saṃhatāstāstvacceṣṭāstvanmanaskāḥ sitatarasikatāviṣṭareṣūpaviṣṭāḥ
2.141
pādau tau lalitau sarojalasitau jaṅghe ca te bandhure
jaṃghāle khalu kekikaṇṭhavijaye te jānunī cāruṇī
ūrū tau mahitau ca tat kaṭitaṭaṃ vyālambipītāmbaraṃ
vatsaṃ tadvanamālabhāri vipulau bhogopamau tau bhujau
2.142
vaktraṃ netramahotsavo nanu ca tat saṃmohanaṃ tat smitaṃ
tadvandhūkanibhaṃ tu dantavasanaṃ kāntā hi dantāśca te
gaṇḍau tau maṇikuṇḍalāñcitarucau nāsā ca sā bhāsurā
nārīṇāṃ smaraṇe'pi dhairyaharaṇe te dīkṣite cekṣaṇe
2.143
cillīnā jagatāṃ vilokitavatāṃ cillīmavallī ca sā
phālaṃ tattilakopaśobhi nitarāṃ te kuntalā mañjuḷāḥ
lokakṣobhakarīha sā ca kabarī piñchāvalīlāñchitā
sā kāntiḥ sajalāmbuvāhasuṣamāsaṃhāriṇī hāriṇī
2.144
vāṇī mānasahāriṇī navasudhāveṇī ca sā śṛṇvatāṃ
sā bhaṅgī gamane nikāmakamane ramyā ca sā narmagīḥ
gūḍhāpāṅganirikṣitaṃ śivaśiva trailokyavikṣobhi tat
māronmādavidhāyi veṇuraṇane tat kauśalaṃ peśalam
2.145
lāvaṇyaṃ tadvarṇanīyamapi taddākṣiṇyamavyāhataṃ
naipuṇyaṃ tadaśeṣakarmasu ca tat kāruṇyamavyājakam
tāruṇyaṃ bhuvanaikahāri kimapi prodbhinnamaṅgeṣu tat
prāvīṇyaṃ janarañjane tadiha tannaucityamatyadbhutam
2.146
sā strīṇāṃ hṛdayaṃgamā subhagatā saujanyamudrā ca sā
sā vā hanta suśīlatā madhuratā bhāvajñatā prājñatā
smāraṃsmāramaho muhurmuhuriti tvayyeva tāsāṃ tadā
līnaṃ nūnamabhūddalaṃ nanu hare ceto hi cetohare
2.147
iti bhavati sakāmaṃ līnacittā nikāmaṃ
vidadhurapi vilāpaṃ tā hare bhūritāpam
tava sapadi viyogādākulā vītabhogā
muramathana maheḷā vyāvadhutāśeṣaheḷāḥ
2.148
kva nu bhavānimā dāsikā rayādvyasanasāgare pātayannayāt
sakṛdapīśa te darśayānanaṃ
nalinalobhanaṃ lokamohanam
2.149
kucakuśeśaye karkaśe bhṛśaṃ
padapayoruhaṃ nātha te'niśam
mṛdu nilīyate tena kānane
carasi hā kathaṃ kaṇṭakāyane
2.150
adharaśīdhunā te'dhunātulaṃ
vijahi no vibho manmathānalam
śravaṇamekayāpīśa no girā
śiśirayācirāttvaṃ sudhākirā
2.151
adhikamādhurīlobhanodite
sakalakāminīmohanākṛte
kuṭilamānasena tvayā dayāsaraḷamānasā vañcitā vayam
2.152
viluṭhatīrimā bhūtale'vaśaṃ
dṛḍhaśucā vimūḍhāśayā bhṛśam
sukhaya dhairyacauryaikadīkṣitairurudayokṣitairno nirīkṣitaiḥ
2.153
śvasitamārutāpātavepite
nayanavārihāraikabhūṣite
manasijānalenātitāpite
kuru payodhare pāṇimīśa te
2.154
hṛdayadāraṇaṃ tāpajṛmbhaṇaṃ
vidaya kiñcana tvaṃ ca dāruṇam
kalaya cāpale nātha kāraṇaṃ
vinayavāraṇaṃ dhairyacoraṇam
2.155
tava tu no dayā māninīkule
bhavatu jātucinmedinīṃtale
yadiha pūtanā bhūrisauhṛdā
bata hatāpi te stanyadā mudā
2.156
cikurajālakaṃ mañjupiñchakaṃ
ruciraphālakaṃ mañjuḷāḷakam
dhṛtivimocanaṃ cārulocanaṃ
kamalabhañjanaṃ lokarañjanam
2.157
makarakuṇḍalaṃ gaṇḍamaṇḍanaṃ
vadanamaṇḍalaṃ tāpakhaṇḍanam
adharamādhurīṃ bandhurāmalaṃ
vijitakambu te kandharātalam
2.158
pṛthunirantaraṃ te bhujāntaraṃ
bhujabhujaṃgamaṃ kāntidanturam
jaghanamaṇḍalaṃ kāmamandiraṃ
kapiśavāsasā cātisundaram
2.159
karabhacāru te cārugauravaṃ (?)
caraṇapallavaṃ dhūtapallavam
ajita bandhurāṃ gānamādhurīṃ
vijitasindhurāṃ yānacāturīm
2.160
sakalameva saṃcintya santataṃ
hṛdiha no'tisaṃtāpasaṃtatam
bhajati candrakāntodyanmahomilitacandrakāntopamāmaho
2.161
akaruṇāvaśe'pīdṛśe jane
tava padāmbujaikāvalambane
kapaṭanātake pāṭavaṃ hare
prathayase kathaṃ manmathāture
2.162
jaya jayorukāruṇyavāridhe
jaya jayorulāvaṇyavāridhe
jaya jayoruvijñānavāridhe
jaya jayorusaṃmohavāridhe
2.163
bhavati ceddayā te'tipīḍite
bhavati no'pi cedvākirīḍite
vapuridaṃ manomodadaṃ manāgadhikaśobhanaṃ darśayādhunā
2.164
iti vilapya tā dūnamānasā
bhavadavekṣaṇe bhūrilālasāḥ
purudayāniśe mādhavabalā
ruruduruccakairacyutākulāḥ
2.165
gopīnāṃ vividhaṃ vilāpamadhikaṃ ramyaṃ niśamyārdrīlokānandana sundarāṅgalatiko mandasmitārdrānanaḥ
kāntārāntarato murāntaka bhavānāvirbabhūvāgrato
jīmūtodarato yathāmṛtakaro vyājṛmbhayanmanmatham
2.166
puraḥ prādurbhūtapracurakaruṇāsārdranayanaṃ
prasannāsyāmbhojaṃ prasavaśaramohāvahatanum
prahṛṣṭā dṛṣṭvā tvāṃ yugapadajitottasthurabalāḥ
prapannā jīvaṃ svaṃ drutamiha mṛtā mādhava yathā
2.167
prasarpanniśvāsābhidhapavanabhasvatpriyasakhe
pradīpte viśvātmanvirahadahane tāpagahane
kṛtāpātā gopīranagha laghu gopāyitumanāḥ
kaṭākṣairākṛṣya pramadajaladhau prākṣipa imāḥ
2.168
tadā kāciddbālā praṇayabharasannā drutamito
prasannāsannaṃ te kisalayamanojñaṃ karatalam
gṛhītvāghrāya sve kucakalaśamadhye nidadhatī
virājadromāñcaṃ virahajarujaṃ hanta vijahau
2.169
vidhūyemāṃ hā māṃ vanabhuvi vidhūtāryacaritaṃ
vadhūmanyāṃ dhanyāṃ sarasamanubhoktuṃ bata gataḥ
spṛśet kā vā dhūrtaṃ śaṭhataramate tvāmiti ruṣā
hare paśyantyanyā paruṣamatidūre sthitavatī
2.170
sudhārūpaṃ rūpaṃ trijagadabhirūpaṃ tava mudā
dṛśāpīyāpīya praṇayavivaśā kvāpi vanitā
nidhāyāntaḥ svairaṃ punaridamanudhyāya nibhṛtaṃ
sphuradbrahmānandā bata mukulitākṣī sthitavatī
2.171
bhujākāṇḍaṃ kāntaṃ tava bhujagabhogātisubhagaṃ
parā kācit kaṇṭhe praṇayataralā voṣṭhetavatī
nirundhānevāsūn kathamapi yiyāsūnatiśayāt
svakīyānnāḷīkāśugaviśikhapātena vivaśā
2.172
mano me tvaṃ muṣṇan kva nu kitava kṛṣṇāntaradadhāḥ
kvaciccoro dṛṣṭo yadi sapadi daṇḍyo hi niyatam
udīryaivaṃ dāma praṇayataraḷādāya kuraḷādarāḷāpāṅgo kāpyakṛta kṛtabandhau tava bhujau
2.173
aho māṃ rāgāndhāṃ vanabhuvi vidhūyāśu gatavān
bhavān vyājena tvāṃ kitava kathayitvā tu vipine
vidhūgāhaṃ yāmi vyasanamida jānātu virahe
nigadyetya tvanyāntarhitatanulatāsthāttarutaṭe
2.174
vacaḥ śrutvā tattādṛśaviśadarāgātivivaśaṃ
vadhūnāṃ sādhūnāṃ praṇayakalahātyantasubhagam
svanāthānāmāsāmatha sapadi kopaṃ vyapanayan
giraṃ premāveśādabhidadhitha nāthātimadhuram
2.175
saurāṣṭrarāgeṇa gīyate campatāḷena vādyate
ābhīrikā niyatamāpūraye nikhila
māśāsitaṃ manāsa yadiha loke
āśu bhṛśamahitamiha śokamayi hṛdi jahita
toṣamapi bhajata gatasakalaśoke
pallavam
kusumaśaraśaranikarajanitabhaṅgaṃ
śiśirayata mṛduhasitasudhayā madaṅgaṃ [kusuma ]
anuvṛttaye tu mayi cetaso niyatamidamāhitaṃ munibhirapi duravaloke
atikaruṇahṛdayānimamatikaṭhinahṛdaya
iti bata kimapi kalayata na yuvatiloke
ālobhanīyasuṣamālokanīyavapurālokanādihāśu bhavatīnāṃ
ākulaṃ bhavati bata mānasaṃ niyatamayi
māmakaṃ mahitataraśubhavatīnāṃ [kusuma ]
api yāminīkarabhṛśarājināṣu
madabharadāyinīṣu rajanīṣu nūnaṃ
adhikarasamaniśamapi pariramata vividhamapi vipulatarapulinabhuvi virahahīnaṃ [kusuma ]
niśamyedaṃ ramyaṃ niravadhikarāgaṃ nigaditaṃ
nirātaṅkairaitairniratiśayasammodavivaśaiḥ
vadhūlokaiḥ sākaṃ sarasasarasāṃ rāsavihṛtiṃ
vidhātuṃ prārabdhāḥ prahitamatirāsāṃ sucaritaiḥ
2.176
daṇḍakam
nadvā kalāpatati, raddhā sakhībhiratha, baddhādaraṃ cikurajāle
navarucijaṭāle nanu vimalaphāle namadamaravaranikara rucirataramapi
tilakamaraci tava bhasaḷa(na)kulalasadaḷakamāle
tāraṃ manojñaruci,dhāraṃ bhavānurasi,hāraṃ dadhau bhuvanasāraṃ,taraḷarucibhāraṃ tatajaghanabhāraṃ taruṇatarataraṇikaramadavisaraharaṇaparakapiśataravasanavaralasitamakṛttāram
bāhāyuge vihitamāhāvane racitahāhārave riputatīnāṃ bahumaṇinilīnāṃ bahaḷarugahīnāṃ valayatatimadhita varakaṭakamāpa caraṇabhuvi jayati vapuridamajita gatiriha yatīnām
nāṇīyasīṃ tadanu veṇīṃ babandhuralameṇīdṛśo viśadacelāḥ
natasuramaheḷā nayanaharaheḷā narakahara valayavaranikaramapi kaṭakamapi padakaṭakamāpa ca dadhuratimadhuraśīlāḥ
yoṣākule vipulatoṣākule vimalabhūṣākule valayacāre
yuvadhṛtividvāre yuvatimadahāre yugaḷamapi yugaḷamubhayata uditaruciraruca uparacitasubahuvapuriha khalu vihāre
rādhābhidhāmadhikamāsāditāmalavilāsāmimāṃ vihṛtikānte ratiramaṇakānte ratiracitakānte rabhasagatakalaharatamunirāmitamudapadata punarajitabhṛśamahitasurapaṭalikānte
rāgādamartyatatirāgāt priyābhiranurāgākulābhiranuyātā
rayabharaparītā rasavaśaharītā rajanikaranibhavadana tava mahitataracaritanutiniratabhṛśamuditamunitatiparītā
jalpairiheśa kimanalpaiḥ surairādhikadarpairviyad vṛtamaśeṣaiḥ janitapurutoṣairjavaracitaghoṣairjananahara tava vihṛtimahitamahamamitarasabharitamanubhavitumamumatikutukrapeṣaiḥ
ghaṇṭārarāgeṇa gīyate | pañcakāritāḷena vādyate
pāṇikamalatāḷamiḷitapādapātane
pādakaṭakahemavalayanādamohane
pallavam
gopalokapuṇyapariṇate'timohane
bāsudeva lesitheha rāsakhelane (gopa)
kamanakanakasārasanakāninadalobhane
taraḷataraḷatārahāranikaraśobhane ( gopa )
sarasamaṃsalaṃbimṛdulakamrakaratale
calitakuṇḍalābhirāmagaṇḍamaṇḍale ( gopa )
vadanalasitagharmasalilavindujālake
ruciracikurabhāragaḷitakusumamālike ( gopa )
madhuramadhuragaḷitaveṇunādabandhure
vividhavibudhavādyatāḷameḷasundare ( gopa )
tadanu mṛdulahāsī veṇunādāpahāsī
madhurataramagāsīrūḍharāgaurvilāsī
paśupayuvatijātairīśa sākaṃ sujātaiḥ
purusukṛtasametairbhūrisaṃmodametaiḥ
2.177
kedāragauḍarāgeṇa gīyate | ekatāḷena vādyate
śrutiyugasukhado mṛdupikaninado
bata jayati hṛdo mama vihitamado
pallavam
nanu kamanījanakanīyānana
kamalālobhana kamanavilocana [ nanu ]
vidhunoti ca no vidhukiraṇagaṇo
dhṛtibharamakhilaṃ kṛtahimakiraṇo [ nanu ]
vidadhati hṛdaye parimaḷalaḷitā
vikṛtiṃ latikā mama sumalasitāḥ [ nanu ]
vitanoti ratiṃ marudatiśiśiro
hṛdi no mṛdurātisaurabharuciro [ nanu ]
madhukaravirutaṃ mama madhurataraṃ
vidadhāti mano vidhuramaraṃ [ nanu ]
rasabharalasitaṃ sārasarasitaṃ
rasayati bata no matimayi nigataṃ [ nanu ]
madayati hṛdayaṃ śivaśiva madano
mama niyatamayaṃ tribhuvanamadano [ nanu ]
sukhayati sutarāṃ yamunāpulinaṃ
madanaṃ yamināmapi no nayanaṃ [ nanu ]
niśāmya sudṛśāmīśa vihṛtāviti cāturīm
vismayādutsmayo'gādīstvāṃ ca tāścañcalāśayāḥ
2.178
bhairavibhūpāḷīndiśakānakkuriñjirarāgairgīyate
pañcakāritāḷena vādyate
vāmalocanā lokalobhane
naipuṇīha vo rāsakhelane
saṃtanoti me hanta sāmprataṃ
svāntametadānandasaṃbhṛtam
deva devakīpuṇyasaṃhate
devadevatāsaṃsadaṃ pate
nātha kevalānandasantate
jāyate kimānandanaṃ tu te
kuṃkumadravo'yaṃ kucāntare
bhūṣaṇāntaraṃ me bhujāntare
jāyatāmalaṃ manniṃketunā
vyākulātmano mīnalocanāḥ
indirāvilāsaikamandire
ninditārare lokasundare
vatsadānture te bhujāntare
maṇḍanāntareṇeha kiṃ hare
gopabālikā lokalobhanādānanenduto modadohanāt
manmathavyathādāyakādalaṃ
manmano'mṛtaṃ pātumākulaṃ
nātha pādapāthojasevine
bhāgyabhājanāyeha dehine
sādhu te'mṛtaṃ saṃhṛtavyathaṃ
dāturīśa gīrīdṛśī kathaṃ
nṛtyato'pi me dhṛtyapohane
nartanāntare cittamohane
sāmprataṃ ratiṃ yāti cetanā
māramārgaṇairūḍhavedanā
yo ratiṃ sadāpyātmanīyate
kiṃ tvamanyato rantumīhase
kiṃ giredṛśā no'khilā'tmanā
kiṃkarīrimā yojayātmanā
sārasārasākāralocanā
hārihāriṇāpāṅgalocanāḥ
tāratārakā vo bhavet priyāḥ
sādhu sādhunā saṃgatirmayā
kāmakāmamohāvahākṛte
kāmakāmadānoditāhṛte
deva devatāpāditastute
devadeva śaure namostu te
kāntā sīmantinīsaṃsat klāntāsīdatha khelanāt
kāmarūpa hare kāmaṃ kāmabāṇavaśaṃvadā
2.179
kāmodarirāgeṇa gīyate | aṭatāḷena vādyate
tadā kācitpayojākṣī kumādatyantatāntākṣī
nilīnāṃse tavodāre salīlaṃ hare
pallavam
vadhūvṛndaṃ na kiṃ tene taṭe yāmune
pramodākhye tadāpāre parīpātādakūpāre ( vadhū )
parā kāpīha tanvaṅgī tvadīyāsyaṃ tu khinnāṃgī
saromāñcaṃ cucumbedaṃ sadāmodadaṃ ( vadhū )
vadhūranyā kapolānte hare dhanyā kapolaṃ te
nidhāyāraṃ sudhāsāraṃ papāvadharaṃ ( vadhū )
maheḷānyā mahīyo'laṃ mahābhāgyāpa tāmbūlaṃ
tvadāsyāmbhoruhe līnaṃ hṛdāmodanaṃ ( vadhū )
gaḷanmālā miḷadbhālā vidurnīvīṃ na tā bālāḥ
gaḷantīṃ kuntaḷīpāḷīṃ na vā kañcuḷīṃ ( vadhū )
alaṃ vācā vahanmodaṃ kadambaṃ jyotiṣāṃ cedaṃ
viḷambālambitaṃ śaure cirādambare ( vadhū )
prakāmodyadbhavatsevairvrajādhīśādikairdevairaśeṣairāsaniṣṇātaṃ viśeṣāddṛtaṃ (vadhū)
sujātaṃ gopikājātaṃ manorārājyaṃ manojātaṃ
tvadīyādaṅkasaivāyāsādodayāt (?) (vadhū)
tadā nandārarbhakātmānaṃ sadānandarpakātmānaṃ
paraṃ brahmaiva sākāraṃ bhavantaṃ paraṃ (vadhū)
prapadyebhā mahābhāgā bhavatyegedyadrāgā
janiṃ dhanyāmimāṃ śaure nijāṃ menire (vadhū)
maheḷānāmāḷī mahitatamaheḷā madhuripo
maheḷāmādhuryā viharaṇamahe lālasavatī
araṃ sā klāntāpi prasṛmarariraṃsāndhahṛdayā
varaṃ sāmodaṃ tvāṃ pṛthagatha giraṃ sādhu nijagau
2.180
gāṃbodhirāgeṇa gīyate
ekatāḷena vādyate
visṛjannatanuraśaṅkaṃ-kṛṣṇa
viśikhaṃ vihitāṃtaṅkaṃ
vidaḷati bata māmetāṃ-kṛṣṇa
vidyamapi tvadupetai
ayi māṃ pāyaya sādhvīṃ-kṛṣṇa
tava madhurādharamādhvīṃ
sumanohara yenāhaṃ-kṛṣṇa
laghu vijahāmyayi dāhaṃ
tvāmavalokayamānāṃ-kṛṣṇa
tvāmapi lokayamānāṃ
pañcaśaro'yamaye māṃ-kṛṣṇa
saṃtapatīśa batemāṃ
acyuta bhavadavaloke-kṛṣṇa
tṛpyati kā vā loke
rātrirupaiti virāmaṃ-kṛṣṇa
tat paripūraya kāmaṃ
ayi viracaya parirambhaṃ-kṛṣṇa
saphalaya mama kucakumbhaṃ
adharaṃ te'mṛtajūṣaṃ-kṛṣṇa
kuru radakhaṇḍanabhūṣaṃ
vilasitahṛdayavikāraṃ-kṛṣṇa
virahitavividhavicāraṃ
vilulitapṛthukucabhāraṃ-kṛṣṇa
vigalitakusumamudāraṃ.
madacalamadanāgāraṃ-kṛṣṇa
masṛṇitaniyatācāraṃ
mukharitaraśanāvāraṃ—kṛṣṇa
mukuḷitanayanamasāraṃ
jṛmbhitamanmathavīraṃ—kṛṣṇa
saṃbhṛtarāgamadhīraṃ
bhugnapayodharabhāraṃ—kṛṣṇa
bhagnamanoharahāraṃ
vyañjitarasagambhīraṃ—kṛṣṇa
śiñjitamaṇimañjīraṃ
mṛduhasitasudhāsāraṃ—kṛṣṇa
mṛdulavacomadhudhāraṃ
śramajalasubhagaśarīraṃ—kṛṣṇa
śramaharapulinasamīraṃ
alasatarāmalatāraṃ—kṛṣṇa
vilasitamaṇitamatāraṃ
prakaṭitagūḍhākāraṃ—kṛṣṇa
prakṛtajanīphalakāraṃ
purupulakālaṃkāraṃ—kṛṣṇa
paramānandākāraṃ
phalitamanorathapūraṃ—kṛṣṇa
bhaṇitamanodhakadūraṃ
priyasakha nanu sukhasāraṃ-kṛṣṇa
prasaratu viharaṇasāraṃ
pratyakṣarasrutasudhālaharīmamūṃ gāṃ
premānurāgakaruṇāmasṛṇairapāṅgaiḥ
aṅgīcakāra ca bhavān paśupāiganānāmāsāmanaṅgaśarabhaṅguramānasānām
2.181
devatatirāvṛtamathāriḷabhirameyaṃ
devatarusūnamabalāḷibhirameyam
vyātatamudājita vikīrya natakāyaṃ
vyātanuta nūtimitatāpasanikāyam
2.182
dhanāśirāgeṇa gīyate
ekatāḷena vādyate
natavallabhajana padatallajajitanavapallavakula murahara-jayajaya
nara nārāyaṇa narakanivāraṇa
narakavidāraṇa murahara—jayajayanayanapramadadakamaṭhapravaraka
kamanaprapadaka murahara—jayajaya
śikhikaṇṭhavalibhṛśaśaṅkāvahamṛdujaṅghāyuga murahara—jayajaya
ibhakaralobhanarucibharamohanamahitataroruka murahara—jayajaya
jaghanasthaladhṛtakamanaprabhanavavasanapravaraka murahara—jayajaya
tāramanoharahāravirājitacārubhujāntara murahara—jayajaya
mṛdusaṃkaṇadurukaṅkaṇakāṅgadavarasaṃgatabhuja murahara—jayajaya
smaradaramadaharavaratararucibharavilasitagaḷatala murahara—jayajaya
śaraduditāmalaśiśirakaropamavadanasaroruha murahara—jayajaya
taraḷīkṛtataruṇījanamuraḷīvaralāḷitādhara murahara—jayajaya
cañcalakāñcanakuṇḍalamaṇḍitamañjuḷagaṇḍaka murahara-jayajaya
sumanoramatilasumasumanohara
sumahisanāsika surahara-jayajaya
yauvatamānasamānavimocana
lobhanalocana murahara--jayajaya
rucivijitāḷikaruciratarāḷakalaḷitatarāḷika murahara--jayajaya
candrakalāñcitapiñchakulāñcitamañjuḷakuntaḷa murahara--jayajaya
sajalapayodharanikaramanohara
sakalakaḷebara murahara--jayajaya
devairevamabhiṣṭuto'tha śanakaiḥ krīḍāṃ samāpyādarādāsāmākulacetasāṃ smaraśarairāpūrayo vāñchitam
kālindīsalile'tha deva viharan kāntābhirābhiḥ samaṃ
kāntāre ca manohare punaragā modākulo gokulam
2.183
sāndrānandācidātmani tvayi vibho sākṣāt parabrahmaṇi
svāntaṃ kāntadhiyā niveśya ramamāṇānāṃ ramāvallabha
gopīnāmagaṇeyapuṇyavibhavānāṃ varṇyate kena vā
tattādṛgbata bhāgadheyamahrimā bhaktaikabandho hare
2.185
gauryā varyāṃ saparyāṃ kvacidahani sarasvatyupānte vanānte
dadhrvintyā deva gopā vidhivadatha vidhāyāsvapannatra rātrau
tanmadhye nandagopaṃ vata kavāḷitavān dandaśūko'tha ko'pi
drāgasmādbhaktabandho tvamapi padahatāt pālayāmāsithainam 184
tatimatha vanitānāṃ kāmabāṇāndhitānāṃ
viharaṇaniratānāṃ kāmapālānvitānām
kvacana niśi viśaṅkaṃ śaṃkhacūr̤o'tha ninye
tvamapi mahitamanyustaṃ javāddhanvadhāvīḥ
2.186
pramadānikaraṃ ca madaṃ ca nijaṃ
pravihāya gataṃ dhanadānucaram
pradadātha vibho pratatātiruṣā
pradadātha ca maulimaṇi halinai
2.188
āyātaṃ jātu bhadrātmakaṃmapi tamabhadrātmakaṃ drāgariṣṭaṃ
goṣṭhe niṣpīḍayāmāsitha vasanamivākramya pādena sārdram
prāpadbhāvātkabhāvaikavidurabhiyamutpātajātāvalokāt
bhojendraṃ nārado'sāviha muniramunāpyacyutābhyarcito'bhūt
atha munipuṅgavabhojanṛpāvahitavadhāvavamaikaratau
atimadhurāṃ giramevamubhāvakathayatāṃ ca mitho'jita tau
2.189
bhūmipālakulamaulijālamaṇirājamānapadapīṭha te
vāsaropagatadhūsaroḍupatitulyamāsyamavanīpate
tāvakīnahṛdi tāyamānamayi tāpabhāramadhunātulaṃ
vyaktameva bata vakti tena mama vartate hṛdayamākulam
2.190
nyakṣato nṛvara rakṣato bhuvanamakṣatorubalabāhunā
lakṣye niyatamakṣayeha na tu duḥkhamūlamiha te'dhunā
lobhanīyaguṇa gopanīyamayi no yadīha mayi sādaraṃ
sādhu tadvibhaja tāvakīnahitasādhanāṅgitamatāvaram
2.191
viśvalokabhṛśaviśrutādhikasuduścarāmalaṃtapasyayā
dīptarūpa na sa vetsi lokagatavṛttametadatiśasyayā
cittarūpamukurottame tviha mahattame sphurati kiṃ na te
kīrtayāśu yadi kīrtanīyamajaceṣṭitaṃ niyamināṃ pate
2.192
śauriṇā nṛvara vairiṇā tatra nikāriṇā kusṛtikāriṇā
tāni tāni vihitāni kinna viditāni vairigaṇadāriṇā
mādhave nikhiladānaveśabhṛśatānave'niśakṛtāgrahe
jāta eva vinimāya tena dhṛtānandajo'yamavasat pure
2.193
kāmapālamapi nākapālamukhalokapālahitalolupau
bhūmipāla laghu dhenupālanilaye'kṛtātha nibhṛtaṃ vibho
edhamānatanuśobhamānanavayauvanau bhuvanalobhanau
tāvubhāvapi ca tavakānucaratāpinau vrajanivāsinau
2.194
dānaveṣu mahitāhaveṣu bhṛśavaibhaveṣu bhavatā drutaṃ
yāciteṣu laghiteṣu teṣu bata kena vā punarihāgatam
sāvadhānamiha te vadhāya bata tau mano vitanuto raṇe
tadvidhehi laghu tadvadhāya paramudyamaṃ yaduśikhāmaṇe
2.195
śrutvā vārttāṃ tvadīyāṃ tadanu muraripo janmakarmmādirūpāṃ
tattādṛkkrodhabhārasphuradadharapuṭo maṇḍalāgraṃ karāgre
dhṛtvā kaṃsaṃ jighāṃsuṃ pitaramajita te svāsanādutthitaṃ taṃ
dṛṣṭvā bhīto munīndro madhuramabhidadhe taṃ praśaṃsannṛśaṃsam
2.196
naradeva vṛthā vasudevamaho
jahi mā jahi mā mahimāvasatha
laghimāpi bhavellaghu mānanidhe
tadato virato bhaja toṣabharam
2.197
iti taṃ nṛpatiṃ tava tātavadhādvinivārya gate'tha munau mudite
kupitena ca tena nṛpeṇa vibho
tava tau pitarau kalitau racitau
2.198
kaṃso māṃsādadeśyastava tadanu vadhe keśinaṃ hastipālaṃ
mallāṃścādiśya kalyān bhavadupaSingle-ended nayane prāhiṇodgāndineyam
dhanyānāmagragaṇyo nikhilabhuvanarūḍhaḥ śatāṅgādhirūḍho
hantāyannantare'yaṃ tvayi vinihitadhīrantarevaṃ vyacintīt
2.200
kedāragauḍarāgeṇa gīyate | campatāḷena vādyate
sucaritaṃ vicaritaṃ prāgameyaṃ
yadajitaṃ tvaritamavalokayeyaṃ
pallavam
mama khalu mano mahitamayati modaṃ
madbharitabhojanṛparacitakhedaṃ [ mama ]
hantādya mama vihṛtamaśubhajātaṃ
nantāsmi haripadaṃ yadabhijātaṃ [ mama ]
viśvamapi śakunamiha kuśalarūpaṃ
vīkṣeya vidhumukhaṃ tadabhirūpaṃ [ mama ]
phalavadapi janurajani nanu madīyaṃ
paśyeyamapaghanaṃ yadadasīyaṃ [ mama ]
aripakṣago'yamiti kimuta nindedatibhaktibhāgiti sa kimuta nandet [ mama ]
evaṃ cintāṃ vitanvanvividhamayamayan gāndineyo dinānte
saṃprāpto gokulaṃ tattadanu tata itaḥ saṃkulaṃ gokulena
bhadrāṃ śrīpādmudrāṃ yavakuliśasarojāṅkuśādyaṅkitāṃ te
kiṃ kiṃ nālokya cakre śivaśiva nitarāṃ bhaktibhārākulātmā
māhādohanalokanākulatarasvāntau carantau mudā
sāyāhnāhitamajjanāmalatarasvāntau bhavantau tadā
saṃvītāsitapītarūpavasanau trailokyasaṃmohanau
vyālokiṣṭa sa hṛṣṭadhīḥ katipayairābhūṣitau bhūṣaṇaiḥ
2.201
bhavatā bhavatāpahṛtā bhajatāmasatāmapi tāpamihāvahatā
avalokayatā halinā saha taṃ
mumude jagadekapate nitarām
2.202
bhaktyā dūrātnamantaṃ praṇayavivaśamutthāpya cāliṅgya dorbhyāṃ
keśivyomābhidhānāsurahananavidhāślāghitābhyāmubhābhyām
prodyatprājyapraharṣaṃ parapuruṣadurāporubhāgyaprakarṣaṃ
sabhrātābhyarhayāmāsitha nataśirasaṃ gāndinīnandanaṃ tam
2.203
karakamalena tadīyakaraṃ
parikalayan halināpi samam
niratiśayaṃ nilayaṃ nibhṛtaṃ
tamasi ninetha dine'tha gate
2.204
praśāntenāśeṣāmapi kathayatā kaṃsabhaṇitiṃ
niśāṃ tenānaiṣīratha sapadi nandādipaśupaiḥ
niśāntāttvāṃ yāntaṃ paśupasudṛśo vīkṣya vivaśā
niśānte saṃtāpāditi bata vilāpaṃ vidadhire
2.205
kāṃbodhirāgeṇa gīyate
pañcakāritāḷena vādyate
(1)nanu vidhe dayā naiva jāyate
kuhacanāpi hā lokanātha te
yadiha mohayan dehino'khilānmahitarāgabhārādhikākulān
atimudā mitho nātha yojayannatiśucā tato'mūnyiojayan
vividhabhogalolān guṇāmbudhe
viharase vinodāya kiṃ vidhe
bhuvanalobhanaṃ mādhavānanaṃ
paramaśobhanaṃ śokalopanaṃ
pramaddohanaṃ lokamohanaṃ
ruciralocanaṃ mānamocanaṃ
mahitanāsikānāḷadanturaṃ
makarakuṇḍalenātibhāsuraṃ
adharabimbakāntyātibandhuraṃ
madhuramandahāsānisundaraṃ
kimapi hanta no darśayannidaṃ
laghu tirodadhāthātitāpadṃ
kaṭhinacetaso vyāpṛtaṃ tu te
bata vinindyameveha cintite
ajita te kathaṃ nātha dāsikāḥ
saha sadā tvayaivāhitāsikāḥ(1)
tyajasi mādhavāmūstavāsikāḥ
bata padāmbujaikāvatānikāḥ
mṛdu purāsa te nātha mānasaṃ
śiva śivādhunā jātamayasaṃ(2)
kimiha dehināṃ devavaibhavaṃ
vitanute hi no bhūrigauravaṃ
apṛthagāsthitā kutra te gatā
nijajane dayā lokaviśrutā
iha kṛpālutāpāditāṃ prathāmayi sakhe hare mā kṛthā vṛthā
svapitarau patīnātmajān gṛhānapi vihāya te saṃgamāgrahāḥ
satatamāsmahe tanna vetsi kiṃ
sakalasākṣitā te kṣatāja kiṃ
madhukiro giro mantharaṃ gataṃ
madhuramīkṣitaṃ mohanaṃ smitaṃ
manasi te'khilaṃ mādhava smṛtaṃ
madanapāvake mārutāyate
agatayo vayaṃ mādhavādhunā
tyajasi cedimā no dayāṃ vinā
jagati cātakīnāṃ ghanādṛte
vrajati ko nu jīvātutāṃ pate
pratidinaṃ dineśo viyoginīṃ
sukhayate na kiṃ vā sarojinīṃ
purapurandhrikāpuṇyapūra te
smṛtipadaṃ bhavemeha kiṃ pate
apaharan sa no jīvitaṃ paraṃ
vrajabhuvo drutaṃ krūradhīrvaraṃ
bata bhavantamakrūranāmatāṃ
kathamayedayaṃ dhūmaketutāṃ
sa sukṛtī pure kāminījano
janiphalaṃ bhajedya kinnu no
kaḷabhayānavallobhanaṃ gataṃ
tava tu rūpayan rūpamadbhutaṃ
asukṛtīha cedrūpyate vayaṃ
nanu kaniṣṭhikādhiṣṭhitāḥ svayaṃ
kimiha kurmahe śokasaṃcitāḥ
kimiha cakṣmahe daivavañcitāḥ
iti bata vilapantyo gopikā niśvasantyo
ruruduriha vahantyo hanta tāpaṃ durantam
praṇayamamitamantarvīkṣitaiḥ sūcayantyo
vivaśamati bhavantaṃ saspṛhaṃ lokayantyaḥ
2.206
śaraṇya jagatāṃ petustaruṇyo virahānale
hiraṇyaretasi yathā hariṇyo'raṇyasaṃbhave
2.207
akrūreṇādhirūḍho rathamatha halinā vāsahāyaṃ sakhāyaṃ
gopīnāmāturāṇāṃ kamapi khalu vimucyādhibhāraṃ vimocya
vegādāgāḥ pratīraṃ dinakaraduhitustajjale tvāṃ vimajjan
vīkṣyonmajyaikṣata tvāmatikutukhamapi syandane gāndineyaḥ
2.209
nirmajyālokya bhūyo bhujagavaraśayaṃ bhūṣaṇairbhūṣitāṅgaṃ
niḥsīmodyatprabhotsāritasamasamayyotsarpibhāsvatsahasram
rājantaṃ vaijayantyāpyarikamalagadākambukamrāgrahastaṃ
kṣmyā bhūmyā ca saṃsevitamiti nutavān pūruṣaṃ tvāṃ purāṇam
pāṭirāgeṇa gīyate
campatāḷena vādyate
muranarakamathana jaya puramathanadayita jaya
surapariṣadadhipa jaya jaya jaya murāre
ānandarūpa jaya govinda rāma jaya
govṛndapāla jaya jaya jaya murāre
maraṇabhayaharaṇakara kṛpaṇajanabharaṇapara
caraṇagataśaraṇapara jaya jaya murāre
ānīlabāla jaya gopālabāla jaya
lokaikapāla jaya jaya jaya murāre
suravisarasukhanayana sarasiruhasamanayana
purusukṛtakṛtanavana(1) jaya jaya murāre
śāntāśayāvanata saṃtāpanāpahara
kāntāmalāṅgalata jaya jaya murāre
lakṣmīkānta vibho bhavāpaha bhavānakṣīṇakānte hare
vakṣobhāgavilāsahāra bhagavannakṣāmarakṣāmate
jiṣṇo vidviṣatāṃ sthitau trijagatāṃ dhṛṣṇo bhaviṣṇo'vane
viṣṇo vṛṣṇikulāvasaṃsa śamalaṃ muṣṇātu puṣṇātu ca
2.211
malaharirāgeṇa gīyate
ekatāḷena vādyate
(1) sāravisāravarākṛtimitavānāśu hayagrīvaṃ viśasitavān
yo nigamagaṇānvidhaye'rpitavānmādhava tasmai nātha namaste
pallavam
puruṣottama parapuruṣa namaste
vibudhottama muramathana namaste [ puru ]
kāṭhamapi pṛthulavapurdhṛtavān
kāmada nanu mandaramuddhṛtavān
yo'mṛtamamarānapi pāyitavānmādhava tasmai nātha namaste [ puru ]
kroḍavarākṛtimalamanukṛtavān
ghorahiraṇyākṣahatiṃ kṛtavān
kṣoṇimimāṃ yo bata rakṣitavānmādhava tasmai nātha namaste [ puru ]
narakesaritanumurarīkṛtavān
sahiraṇyaṃ khalu kaśipuṃ hatavān
prahlādaṃ yo bata pālitavānmādhava tasmai nātha namaste [ puru ]
mohanamapi vāmanavapuritavānmānavakulanāśana balimṛtanān(1)
yo jagadidamakhilaṃ bata mitavānmādhava tasmai nātha namaste [ puru ]
bhṛgukulamamalaṃ tadalaṃkṛtavān
kṛtavīryasutaṃ samare jitavān
nṛpakulamapi kupito yo hṛtavānmādhava tasmai nātha namaste [ puru ]
dinanāthakulaṃ hi sanāthitavān
pitṛvācā vanabhuvi vicaritavān
rāvaṇagaḷamapi yo vidalitavānmādhava tasmai nātha namaste [ puru ]
halavaradhara nanu rāma namaste
kṣitibharahṛt nanu kṛṣṇa namaste
naranārāyaṇa nātha namaste
sukhabodhasadekamaya namaste [ puru ]
majjannapyaṃśu majjanniha sukṛtavatāmagragaṇyo vareṇye
brahmānandāmburāśāvativivaśamatirbhaktibhāreṇa nutvā
tatraivāntarhite tvayyatha sakutusamunmajya phullānanābjaṃ
kaṃsārāmaṃ sa ninye sapadi pariṇate tvāṃ dine gāndineyaḥ210
bhrātrā satrātra bhuktvā sakhibhirapi bhavānnūnamākṛṣyamāṇaḥ
paurāṇāṃ puṇyapūrairakhilajanavṛtāṃ rājavīthīmathāgāt
atrāyāntaṃ ca kañcidrajakamadalayat prārthanāpārthyaroṣāt
prāṇaiṣīttoṣabhāraṃ varavitaraṇato vāyakaṃ mālikaṃ vā
2.212
kubjāmṛjvīṃ vitanvan sarasatarāgirā saṅgamaṃ cānugṛhṇanścāpaṃ bhittvātha bhittena ca sapadi bhavānakṣiṇo rakṣiṇo vā
sānandaṃ nandavāṭīṃ saha sakhibhirito yāminīṃ yāpayitvā
raṅgadvāraṃ bṛhadvāraṇagahanataraṃ prāpithātha prabhāte
2.213
sa karāḷataraṃ karavālavaraṃ
svakareṇa vahan samarohadaram
aja ramyataraṃ nijaharmyatalaṃ
yadurāḍapi mantrijananena samam
2.214
prakopyābhyāśāpatitamibhakulāpīḍamamukaṃ
prahāraiste ghorairajita vitatāpīḍamamadam
viluñchan dantau tvaṃ kṛtaripukulāpīḍana vidhau
nadantaṃ sāmbaṣṭhaṃ laghu kuvalayāpīḍamavadhīḥ
2.215
nāmnā kuvalayāpīḍaṃ dhāmnā nirupamājita
kopayan dantinaṃ yantā prāpayannikaṭaṃ tava
2.216
rabhasākulitaṃ rabhasāpatitaṃ
tarasā bharitaṃ tarasāvitatham
avapātya javāvanīkadanau
prahare nyaharo'pi hare radanau
2.217
atighoraradāhativītamadaṃ
dviṣadantaka hanta nadantamamum
asatāmavadhoraṇadhīravadhīrapi yantṛvarānapi mantukarān
2.218
dantī kuvalayāpīḍo mṛto'pyudapataddruta
adhikaṃ saṃbhṛtakrodhādājāvamṛdulo bhavān
2.219
pramadamatha bhajantau mallaśālāṃ bhavantau
viviśaturibhadantau skandhadeśe vahantau
hṛdayamapaharantau paśyatāmāvahantau
mudamalamasadantau sādhulokānavantau
2.220
tanumānatanurvanitāvitateraśanirnanu mādhava mallatateḥ
paśupālajanasya nanu svajano
vidito'yamiti vyalaso halinā
2.221
vīkṣyaitau viśvalokairapi tṛṣitatarairvismayasmeratārairnetrairniryannimeṣairmurahara muhurāpīyamānākhilāṅgau
raṅge bhāntau bhavantau saha samupasaranmuṣṭikenāpi tuṣṭyā
cāṇūro'sāvarāṇītsabala iha bhavānapyamuṃ tṛpyadātmā
2.221.p1
śaṅkarābharaṇarāgeṇa gīyate
ekatāḷena vādyate
agadhara haladhara hanta bhavantau
paramaniyuddhe paricayavantau
iāte gamitau puramarisamidantau
narapatinādhikamahitodantau
pallavam
bhavatoravalokanato hṛdaye
vīryavatoriyamudyati mudye
2.221.p2
[ bhavato ]
2.221.p3
avanībhṛdavalokitumatilobhī
sadasi niyuddhaṃ pṛthubalaśobhī
priyamavaniphterayi karaṇīyaṃ
nikhilajanairidamiha mahanīyaṃ
2.221.p4
[ bhavato ]
2.221.p5
priyakṛta udiyanmaṅgalajālaṃ
vipriyakarturamaṅgalajālaṃ
suśubhāśubhayoriha jagatīśo
nikhilasureśamayo jagatīśo
2.221.p6
[ bhavato ]
2.222
śṛṇu nanu cāṇūra nṛpābhimataṃ
karaṇīyāmitoha samānumataṃ
amukau pṛthukau nanu pṛthulabalairvihareva kathaṃ prathane kuśalaiḥ
[ bhavato
bakahara bālabalau na bhavantau
balamiha niyataṃ balamadyantau
yadibhaṃ dhenukamapi hatavantau
prasabhaṃ balinaṃ praruṣitavantau (bhatato)
samucita iha tatsamaravihāro
niyatamasāviha nahi parihāro
kṛṣṇa mayā jhaṭiti bhavān ghaṭitā
muṣṭikanāmnā musalī ghaṭatāṃ (bhavato)
uktvaivaṃ tau bhavantāvapi bhujayugamāsphoṭya jāghaṭyamānāvanyonyaṃ vikṣipantau punarapi tarasaivāpatantau ruṣāndhau
jānubhyāṃ jānuyugmaṃ śira iha śirasā vakṣasā cāpi vakṣo
nighnantau niṣpatantau nirātiśayarayādāpatantau hasantau
2.223
anyonyaṃ gṛhyamāṇau muhurapi balato mucyamānau samānau
vegādāśliṣyamāṇāvadhikadṛḍhamatha bhrāmaṇairbhrāmyamāṇau
muṣṭyā niṣkaṭyamānau niravadhikabalaṃ sthāpane sthāpyamānau
tanvānau karṣaṇaṃ ceraturiha vividhaṃ cālanaiścālyamānau
2.224
kopabharaśoṇataralocanasametau
lokavarabāhubalamūlagṛhabhūtau
lokayitṛbhītikaramāhavavinītau
ghorataramādadhaturāhavamathaitau
2.225
balinoranayoratibālakayorasamaṃ samaraṃ samavekṣya ca vām
anurāgadayāvyasanākuladhī
rabalāvalirīśa mitho'kathayat
2.226
mukhārirāgeṇa gīyate | campatāḷena vādyate
sakhi yo vilokayati bālabalino raṇaṃ
spṛśati tamadharmo'yamaghakāraṇaṃ
pallavam
vīkṣya raṇamasamamapi vadnamasingleraṇe
sthātumapi yātumapi na tu pāraye (vīkṣya)
dharmavyatikramo bhavatīha suniścitaṃ
tatsasi vartituṃ na tu samucitaṃ (vīkṣya)
kva ca kisalayātimṛdulāṅgakau bālakau
kva ca vajranibhatanū mallahatakau [vīkṣya]
śramavāribhṛśahāri bālyorānanaṃ
vyālokayākhilajanāmodanaṃ [vīkṣya]
śrutvā ca dīnaṃ vacanaṃ vadhūnāṃ
smṛtvā ca pitrorvacanaṃ dayāḷū
yātau bhavantau vyavasāyavantau
hantuṃ dviṣantau purupuṇyavantau
2.227
cāṇūraṃ tvamapothayo'tha pṛthivīpṛṣṭhe vyasuṃ bhrāmaṇādrāmo muṣṭikameṣa muṣṭibhirahan vegādamaivānugaiḥ
ālokyedmudīrṇaroṣabharato vyāghūrṇamānāśayo
vākyaṃ vyāharadeṣa bhojanṛpatirvādyaṃ hare vārayan
2.228
nāṭṭarāgeṇa gīyate
campatāḷena vādyate
apagamitabhūrimadamapanayata dūrataramasurakulanāśaparapaśupayugapāśaṃ (1)
āhṛtya paśupacayamāhṛtya vasuniścayamābadhya nayata (mu) bahurāśu vigatāśaṃ
aniśamapi vasudevamahitataramadasīyapitaramapi nayatāśu pitṛpatisakāśaṃ
kandāḷitanirupamānandabharāvivaśita
nandamapi kalitamāvahata sudurāśaṃ
ahitahitasādhane satatakṛtamānasaṃ
janakamapi māmakaṃ gaḷakalitapāśaṃ
dūrataramākṛṣya dhūtakṛpamāhatya
bhūrimadamāhukaṃ nayata laghu nāśaṃ
bhūbhṛtkuñjaranisvanaṃ niśamayan bhūrikrudhāśūtpatannuttuṅgaṃ bata harmyaśṛṅgamamumāpādyāvanau tvaṃ hariḥ
hatvātha svapadaṃ ninetha tarasaivāṣṭau halī piṣṭavān
kaṅkādīn pratighena ghoraparigheṇāsyānujān sānujān
2.229
kaṃso nityanṛśaṃsadhīrapi bhavatsārūpyamāpto javājjīvānāṃ bhuvane hi puṇyanivahaṃ jānāti ko vā pumān
vaireṇāpi sa te smaran padamagāt snehādaho kiṃ punastasmāttvatsmṛtiruddhatākhilamalā tvatprāptisiddhauṣadham
2.230
tāvetāvati kātarau svapitarāvāsādya sadyo yuvāṃ
tāvetāvadhikādarāvaticirādālokya modākulau
pāśādāśu vibho vimocya vinibadhya premapāśairbhṛśaṃ
bhaktyā tatpadapaṅkajeṣu patitau sannā pramodāśruṇā
2.231
tau prabhūtanayau vīkṣya tau prabhū tanayau yuvām
sarvadā bhajatāṃ puṃsāṃ sarvadābhajatāṃ mudam
2.232
tattvaṃ vidadbhyāmatiśaṅkitābhyāṃ
tābhyāṃ pitṛbhyāmabhivanditābhyām
etau bhavantāvakṛtopagūhyāvetau ca gāmūcaturāttamohām
2.233
bhairavirāgeṇa gīyate | ekatāḷena vādyate
janani vibho janaka vṛthā yuvayorabhajanato'jani nanu janiranayoḥ
śiva śiva vidhināhatayorayi nau
varamiha gurujanasevanamavanau
pallavam
bhavadasabhājanato bata janitaṃ
bṛhadaparādhamimaṃ nau sahataṃ [ bhava ]
nijapitṛnikaṭe khalu nivasanto
niravadhilāḷanamapi ca bhajanto
bhuvi pṛthukā yaṃ pramadamayante
kvacana na tādṛśamiha niyataṃ te [ bhava ]
api bhavadantikanivasanayogyau
santatamāvāmasakalabhāgyau
kiñcidavindāva na nūnamidaṃ
kiṃ nu vinirmāti na daivamidaṃ [ bhava ]
kimapi ca vṛttiṃ śiva śiva putro
yo na vidhatte bhuvi nijapitroḥ
prayamālayameya sa niyataṃ mṛtyugirā nijavṛttimatti ca piśitaṃ [ bhava ]
kuśalo'pi ca yo'vati na kuṭumbaṃ
varulobhādapagaḷadavalambaṃ
śvasitayuto'pi mṛto niyatamayaṃ
bhajati hi mahitamamutra ca nirayaṃ [ bhava ]
mātulabhavabhayaparamāturayormuhurāpatitāribhirākulayoḥ
paratantrakayorayi bālakayordoṣamaśeṣaṃ viṣahtamanayoḥ [ bhava ]
daivādupanatabhavadbhajanayorbhavadīyadyābharabhājanayoḥ
nijanandanayoranayorubhayoḥ
śaraṇaṃ nanu nau caraṇaṃ yuvayoḥ [ bhava ]
pramohadāṃ vācamimāṃ niśamya
praṇīya vāmāṅkamapetaśaṅkam
prakāmamāliṅgya pitā ca mātā
pramodabhāraṃ bibhrāṃbabhūva
2.234
sāmoktyā sāntvayitvā bhṛśamati pitarau prājyamodākulau tau
rājyaṃ nyasyograsene tatimatha bhayadūnāṃ yadūnāṃ pradānaiḥ
sadyo hṛdyaiḥ prasādya praṇayaparavaśaṃ taṃ visṛjyātha nandaṃ
vidyā labdhvāpya sāndīpanimatha bhavatā dakṣiṇārthe'rthito'sau
2.235
abdhau jātu mṛtaṃ sutaṃ mama diśetyuktyā gurorarṇavaṃ
gatvā pañcajanaṃ nihatya sahalo dhṛtvā daraṃ tadbhavam
mṛtyoretya ca pattanaṃ daravaraṃ dadhmau ravaṃ dāruṇaṃ
śrutvopetya yamo'namat samagadatprītyā bhavānapyamum
2.235.p1
malaharirāgeṇa gīyate
pañcakāritāḷena vādyate
dhūtaduritanūtacarita bhavadupāgataṃ
bhūtamahita pūtamakṛta sadma sāmprataṃ
pallavam
ayi hare śṛṇotu mama vaco'vadhānavān
akhilajanahitaikavinihitāśayo bhavān
2.235.p2
ayi
2.235.p3
ayi hetunā tu kena vā yuvāmihāgatau
devadeva naiva vedmi hetumāgatau (1)
2.235.p4
ayi
2.236
(1) sakaladohaḷābhipūraṇodyatātmanoḥ
kimiha pūrayāmi dohaḷaṃ mahātmanoḥ ( ayi )
dharmarāja vihitakarmajālaniyamitaṃ
vārirāśipatitamānayāśu gurusutaṃ ( ayi )
nanu nijādhikārahāniriha na jāyate
mama niyogayojanena jīviteśa te ( ayi )
tadiha sapadi śiśukamamukamānayādhunā
deśikasya dakṣiṇāṃ hi sādhayāmunā ( ayi )
ābhāṣitena bhavataivamanena dattamācāryasūnumupanīya dideśa tasmai
āśliṣya naṣṭatanayena tataḥ pramodādāśāsito'jani bhavānamunā sasīrī
2.237
paurānāmodayannāpitha puravaramāpūrayan pāñcajanyaṃ
mitraṃ labdhvoddhavaṃ taṃ nikhilanayavidāmuttamaṃ buddhimantam
āyāsenālamāyāsyati sapadi sarojāyatākṣyo jano'yaṃ
saṃdeśairevamāśvāsaya paśupavadhūrenamevaṃ nyagādīḥ
2.238
ādāyājñāṃ tvadīyāmatha rathamadhiruhyāśu toṣeṇa ghoṣaṃ
so'yaṃ sāyaṃ gato'rīramadapi pitarau te viśeṣairaśeṣaiḥ
ālokyābhyetya gopyo laghu tava sadṛśaṃ veṣabhūṣādibhistaṃ
vītavrīḷā vilepurvividhamiti vibho vihvalāstvāṃ smarantyaḥ
2.240
kāmodārirāgeṇa gīyate | pañcakāritāḷena vādyate
prahitavānaye tvāṃ prasūkṛte
pitṛkṛte'thavā sundarākṛte
paśuparāḍayaṃ krūradhīraraṃ
kimiha tasya kāryaṃ vraje paraṃ
nagarakāminīkāmado'dya te
sumukha he sakhā kutra vartate
vrajamamādhavaṃ vīkṣya cetanā
krakacadīryamāṇaiva no'dhunā
kathamimāḥ smared grāmakāminīranubhavannayaṃ paurakāminīḥ
kimu pikaḥ smarennimbamañjarīranubhavannayaṃ cūtamañjarīḥ
jahati nirdhanaṃ veśajāṅganā
jahati khalvakalyaṃ nṛpaṃ janāḥ
gurumadhītavidyā hi tatkṣaṇaṃ
niyatamutvijo dattadakṣiṇaṃ
phalavihīnamurvīrūhaṃ khagā
vihitabhojanā gehamadhvagāḥ
dahanadahyamānāṃ mṛgā vanīṃ
samanubhūya jāro'nyakāminīṃ
sa hi tathaiva hā no'nubhūtavān
sapadi cāvadhūyeha yātavān
bata janārdano nirdayo bhṛśaṃ
vrajajanādaṃnā jāyate'niśaṃ
virahavedanā jṛmbhate hi no
hṛdaya eva hā tasya jātu no
virahato vidhorādhibhāgiyaṃ
kumudinī tu naivoḍurāḍayaṃ
atigate bhave pāpajālakaṃ
niyatamahitaṃ ghorarūpakaṃ
nipatitā vayaṃ hanta dustare
niravadhau yato duḥkhasāgare
vilapitairalaṃ viśvadṛkpumān
na yadi veda no vedanāmimāṃ
vigatavigrahāḥ prāpya taṃ patiṃ
virahavarjitāḥ prāpnumo ratiṃ
smāraṃ smāraṃ bhavantaṃ muhuriti vilapantyo bhṛśaṃ niśvasantyo
hā hā kānteti kāntā mumuhurapi hare tvatpriyā viprayogāt
āśvāsyāsau tvadāsyoditamadhuragirā tādṛśīṃ vīkṣya bhaktiṃ
vismerāsyāmbujastvāṃ vrajayuvatidṛśāmuddhavo'pyuddhavo'gāt 239
kubjāmabjāyatākṣīṃ sarasamupasarannuddhavenāpi sārddhaṃ
datvopaślokasaṃjñaṃ sutamatha halinā nandayan gāndineyam
jñātvā kaunteyavārtāmamumatha visṛjanmāgadhaṃ krodhabhārādāptaṃ jāmātṛghātānmuhurapi jitavānninyaṣe sainyamantaḥ
2.241
ghoratarakopabharayodhavaraśobhī
vīravarabhītikarabhīmaraṇalobhī
nātha mathurāmatha rurodha pṛthuroṣastāvadayi deva yavanādhipatireṣaḥ
2.242
rundhāne mlecchanāthe nagaramatha nijān bāndhavān dvārakāyāmādhāyodārayogāccakita iva gataḥ pattanādāttamodam
padbhyāmādhāvamāno yavanaparivṛḍhenānuyāto guhāyāmālīno'muṃ vyatānīḥ padahatamucukundena bhasmāvaśeṣam
2.243
tasmai bhūpāya tasthe vyataradayi bhavānmuktidātrīṃ ca bhaktiṃ
hatvā tāṃ mlecchasenāmadhisṛti rabhasenākulāyāgatāya
datvā darpāvahaṃ mādhava vijayamaho māgadhāyaikavāraṃ
saṃprāpya dvārakāṃ tāṃ puraṭamayapuradvārakāntāṃ nananda
2.244
bhāratīpatibhāratyā revatīṃ revatāhṛtām
hṛdyāmudvāhayāmāsa sadyo halabhṛtā bhavān
2.245
adbhāgauradukūlabaddharaśanājātābhijātaprabhau
sphītāmodasurau kalindatanayādārādanantābhidhau
jyāyāṃsau navakālaphullakamalaśrīhāriṇau hāriṇau
rāmaṃ tvāmapi revatasya duhiturvande varaṃ devaram
2.246
vaidarbhī'dabhraśobhādhutavibudhavadhūṃ rukmiṇīṃ so'pi rukmī
hṛdyāṃ caidyāya dātuṃ samaya iha samārabdhavāniddhamodam
jñātvā vārttāmathaitāmadhikataraśucā vyākulā bālikāsāvābālyārūḍhabhāvā tvayi punarahineodbhāḍavaṃ vāsudeva
2.247
proddāmāṅgajabāṇasaṅgajaScenariorujā prāptau ca te saṃśayāccaidyodvāhaviśaṅkayāpyavaśatāṃ yāntī śvasantī ca sā
śayyāyāṃ luṭhatīha jāmirudatī paryākulaṃ jāgratī
khinnāṅgīti vicinta hanta bhagavannāḷījanālambanā
2.248
mukhārirāgeṇa gīyate
ekatāḷena vādyate
śaraṇāgataśaraṇadacaraṇāmbujaṃ
bhuvanāmodanavadanājitābjaṃ (1)
madhunāśanasavidhamito gatavānadhunāpi sa kuta iha nāgatavān
pallavam
haririha jagadabhimatasādhayitā
mama tu kimabhimatamabhipūrayitā [ hari ]
damaghoṣasuto mama puramāgādurughoṣayuto nanu puruvegāt
rajanīvyavahita eṣa vivāho'pyajani batādya tu me'sukhavāho ( hari )
trijagati vidite muhuratilaḷite
mama matirājite dhāvati dayite
matimatigahanāṃ kamalājānerahamatikṛpaṇā kimapi na jāne (hari)
yadi kimapi ca hanta purā sukṛtaṃ
vyatigatajananeṣu mayā tu kṛtaṃ
dayito bhavatu sa vasudevasuto
na tu jātucidapi damaghoṣasuto (hari)
naḷineṣugṛhiṇyapi kamanīyaṃ
bhuvaneṣu tamamumatikamanīyaṃ
yadi paśyennijapatiśaranivahairvidalitahṛdayā vitapedasahaiḥ (hari)
śaiśava eva gato'tithijanato
rāgavaśaṃ guṇagaṇaniśamanato
hṛdayaṃ kṛtapadamiha puṃsi pare
na tu punarabhiramate puṃsi pare (hari)
abalaikabalo'pi sa me hṛdayaṃ
madano hi dunoti śarairadayaṃ
balasakhakṛtapadamapi kimaho no
kurute jagati vivekavihīno (hari)
yadi sa vinindannasunātho mā
visṛjedahamapi cāsūnavamā
sati ca tathā suyaśasa iha bhūyo (1)
bhavitāyaśa iti dūye bhūyo (hari)
evaṃ cintābharāndhāṃ murahara muditāmātanodāturoṃ tāmāpto vipro'yamāpto rahasi tava khalu śrāvayitvātha vārtām
prāptāpyāśvāsameṣā punarapi ca hare hanta śaṅkāmayantī
vācaṃ tāṃ viśvasantī vivaśamati tavāptipratīkṣaiva tasthau
2.249
viṣvakseno'yamāyāti, hi nṛpanivaho bhadrarūpo batāsau
kṛṣṇo'bhyeti, dvipaugho vrajati khalu purīmacyuto'sau, svavṛttāt
vipraugho vācamevaṃ purajanakathitāṃ bālikā sā niśamya
prodyatprauddāmamodavyasanaśabaḷadhīḥ kāṃ daśāṃ vā na bheje
2.250
tāvatprāpto bataiko madhumathana bhavān divyayā dehakāntyā
trailokyaṃ kṣobhayantyā madanamadabharāmūramutsārayantyā
strīṇāṃ puṃsāṃ ca ceto dṛśamapi ca harannañcitaṃ mañcadeśaṃ
bhīṣmeṇābhyarcito'sāvalamalamakarotprīṇayan pauralokam
2.252
śṛṅgāro'ṅgīkṛtāṅgaḥ kimu mahitavivāhāvalokārthamāgādaṅgīkṛtyāṅgajo'ṅgaṃ tribhuvanakamanaṃ saṅgato vā'ṅganāthīṃ
kiṃ vā bhūmau manassaṃvananamayaparabrahmavidyaiva mūrtā
vismerairviśvalokairvividhamiti bhavān paṅkajākṣāśaśaṅke
candro vāyamudeti sāndrasuṣamo lakṣmātra no lakṣyate
kiṃ vā sārasameva śāradamidaṃ kutrāpayātaṃ payaḥ
evaṃ saṃśayitāśayena nipattallīlāvalokena te
lokenānanamityanalpakutukaṃ paścādvibho niścitam
2.253
kācit puṇyairagaṇyairyadi puruṣamaṇerurvarāpārvaṇendorjāyetāmuṣya jāyā pratinavasuṣamāmaṇḍalāmagramūrteḥ
dhanyāṃ manyāmahe tāmiti narakaripo gāḍhamutkaṇṭhitābhirvaikuṇṭhotkaṇṭhamābhiryuvatitatibhirudvelamudvīkṣito'bhūḥ
2.254
ānartādhīśrvarādyairatha saha sahasānartabaddhābhiyogairānarto vīrakṣmyāḥ praṇayavivaśamānarta tavāgrajaste
rudrāṇīṃ rukmiṇī tu pravaṇamati sakhīviprapatnīsametā
gatvā guptā bhaṭaughaiḥ kṛtanatiriti tāṃ tvadgatātmā yayāce
2.255
indieśarāgeṇa gīyate
ekatālena vādyate
ahamayi dayitā hi bhavāni (1) hare
riha vihatiṃ devi bhavāni (1) hareḥ (2)
pallavam
abhimatamabhipūraya tarasā me
natajanavaravitaraṇakṛtakāme [ abhi ]
damaghoṣasuto na tu pariṇayatāmanaghe tava māṃ paricaraṇayatāṃ [ abhi ]
vipadāvalipariharaṇe nipuṇaṃ
mama te padamurukaruṇe śaraṇaṃ [ abhi ]
yācitvaivaṃ bhavānīmatha vidhivadimāṃ pūjayitvā ca bhaktyā
niṣkrāntā sā nijāḷīkaranihitakarā namrakamrānanābjā
kṣoṇīndrān kṣobhayantī diśidiśi nibhṛtaṃ lokayantī carantī
bhāntaṃ hantāluloke madanamiva tadā mūrtimantaṃ bhavantam
2.256
tāmatha sa cārutaratāmarasanetrāṃ
kāmaśitabāṇaśatakā़mahatagātrām
lokayati bhūmipatiloka iha modānnātha rathamāśu ca ninetha gatakhedam
2.257
deva sahasaiva baladevasahakṛtvā
rugmiṇamanīkamapi tigmayudhi jitvā
svīyamupanīya mahanīyamatha gehaṃ
tāmajita tāta kṛtavānasi vivāham
2.258
bālāṃ vrīḷākulāṃ tāṃ kathamapi ca vidhāyoktibhaṅgyā vidheyāmādhāyāṅke tu paṅkeruhanayana samāliṅgya kamrāṅgavallīm
vīkṣaṃ vīkṣaṃ ca cumbanmuhurapi cibukaṃ pronnayannānanābjaṃ
pāyaṃ pāyaṃ ca rāgādadharamadhu bhavānnaiva tṛptiṃ prapede
2.259
satrājinna dadau syamantakamaho jātu tvayāpyarthitaṃ
tadbhrātā mṛgayārato vanamito dhṛtvā praseno maṇim
siṃho'muṃ hatavānmaṇī piśitadhīḥ siṃhaṃ nyahan jāmbavān
ratnaṃ cādhita bāḷake maṇiharaṃ tvāmeva loko jagau
2.260
kṛṣṇo bālye'pyamuṣṇāddadhighṛtanavanītāṃśukābhīranārībhaujaṅgaṃ śāṅkhacūḍaṃ vapu punaradhunā bhīṣmakanyāṃ samakṣam
ratnaṃ cāpyeṣa eva kva punarapasarenmānase vāsanā sā
tasmādasmābhirasminniha nivasati ratnādi yatnena gopyam
2.261
ākruṣṭo nikhilairbhavāniti yayāvākṛṣṭaseno vanaṃ
śaṅkāṃ paṅkajalocana vyapanayanvīkṣya prasenaṃ hatam
gatvā jāmbavato guhāmiha śiśuṃ ratnaṃ ca dṛṣṭvodyate
hartuṃ tattadavekṣya saṃbhramavaśāccukrośa dhātrī bhṛśam
2.262
atha kopavatā drutamāpatatā
hṛdi bhūmisutāpatimāvahatā
anubhāvavatādhikabhāvavatā
bata jāmbavatā jaghaṭe bhavatā
2.263
udayāvanasaṃharaṇe paramaṃ
nanu kāraṇamīśa bhavantamimamaṃ
sa paraṃ puruṣaṃ puruṣaṃ hi paraṃ
hṛdaye kalayan vidadhe samaram
2.264
śalyaghanapaṭṭasaparaśvadhakṛpāṇaprāsasṛgaśaktimukhaśastranikareṇa
grāvatarubāhucaraṇairapi sa ca tvaṃ
vivyadhaturvyathamathāntaritatattvam
2.265
aṣṭayutaviṃśatidināni samsattvaṃ
śiṣṭa raṇamādadhaturiṣṭad sa ca tvam
muṣṭiśatapiṣṭahṛdavetya tava tattvaṃ
tuṣṭarati so'vadata tuṣṭahṛdapi tvam
2.266
kedāragauḍarāgeṇa gīyate
ekatāḷena vādyate
tvāmavakalaye paramayi puruṣaṃ
bhūbharahṛtaye yadukulajanuṣaṃ
pallavam
śṛṇu giramaja nandana bhaktimatāṃ
parama hare rāmasahāyamitāṃ [ śṛṇu ]
yo harimarkaja (1) matanuta bandhuṃ
vanabhuvi murahara vande taṃ tvāṃ [ śṛṇu ]
yo bālinamanupamabalavantaṃ
hatavānmurahara vande taṃ tvāṃ [ śṛṇu ]
yo mahati raṇe daśavadanaṃ taṃ
nyavadhīnmurahara vande taṃ tvāṃ [ śṛṇu ]
navanairalamalamadhunā bhavatā
kimiti samāgatamiha jagadvatā [ śṛṇu ]
mayi maṇimūlaṃ kṛtamabhiśāpaṃ
kapivara vinudanvilamidamāpaṃ [ śṛṇu ]
kriyatāmabhimatamayi mama tarasā
bhavatā harivara purutaratarasā ( śṛṇu )
śrutvā jāmbavateti te nigaditaṃ dattāṃ jaganmohinīṃ
dhṛtvā jāmbavatīṃ maṇīmapi vibho tvanmuṣṭipiṣṭaṃ hare
spṛṣṭvāṅgaṃ sarujaṃ kareṇa virujaṃ kṛtvā smayāvāhinā
gatvādhā ramaṇīṃ gṛhe varamaṇīṃ satrājite'dā mudā
2.267
satrājitāpatrapayopasarpatā
satrājitā pātravidā samarpitām
tāṃ satyabhāmāṃ sadasīha sādaraṃ
tvaṃ satyabhāmāsahito'pyudūḍhavān
2.268
nītāmetāṃ sakhībhiḥ kathamapi savidhaṃ namravaktrāravindāṃ
dhūtāṃ vātena rambhāmiva taralatanuṃ saṃbhramodbhrāntanetrām
bāḷāṃ helāvidhūtākhilavibudhavadhūlokahevākajālāṃ
rāgāveśādgagādīranuyasarasāṃ śāradāmādareṇa
2.269
śaṅkarābharaṇarāgeṇa gīyate | ekaroutestāḷena vādyate
dayite janamimamayi te parijanamiti parikalaya suśīle
suśithilabāle śithilaya cālaṃ
hriyapi bhiyamapi bāle
pallavam
nanu bhaja bhāme dṛḍhatarakāmaṃ
janamimamanitarakāmaṃ ( nanu )
iyamākulatā nanu varatanu te
tanute bata mama khedaṃ
bhavasi yadevaṃ rahasi ca hṛdayaṃ
viśaraṇameva mamedaṃ ( nanu )
mukhamunnamaya smitacandrikayā
parihara mama paritāpaṃ
śrutiyugamayi mama niśamayituṃ
bhṛśakautukamiha pikalāpaṃ ( nanu )
vihasitabhṛṅgairvilasadanaṅgaiḥ
sakṛdapi sukhayāpāṅgaiḥ
smarakṛtabhaṅgaṃ sudati madaṅgaṃ
śiśiraya śiśirairaṅgaiḥ ( nanu )
sundari saphalaya hanta rasaṃ tava
sumadhuramadharasudhāyāḥ
mukhacumbanamukhayācanayā
kimu mayi karuṇākaraṇīyā ( nanu )
cikuro ruciro vadanaṃ kamanaṃ
jaghanaṃ ghanamapi vā te
nikhilāvayavā mama matimabalāmākṛṣya nayantyete ( nanu )
mama bhavatī paramavalambo
mama bhavatī vaṃśapatākā
mama bhavatī nanu jīvitamapi
mama bhavatī mukhaśaśirākā (?) ( nanu )
mama bhavatī varamaṇḍanamapi
mama bhavatī bhāgyamanūnaṃ
mama bhavatī nanu janiphalamapi
mama bhavatī nidhiriha nūnaṃ (nanu)
mama bhavatī hṛdi nirvṛtirapi
mama bhavatī dṛgamṛtadhārā
mama bhavatī paramiha suhṛdapi
mama bhavatī saṃpadudārā (nanu)
natamukhi dayite jagadabhirāme
jitakusumāyudharāme (1)
drutamanukūlā bhava nanu bhāme
sutanu manoharabhā me (nanu)
vācā vrīḷāvihastāṃ kathamapi ca rahastāṃ vidheyāṃ vitanvannādhāyāṅke'ṅkamāliṅgya ca kimapi bhavānāsyabimbaṃ ca cumban
lolāpāṅgyā natāṅgyā bhuvanakamanalāvaṇyaveṇyā ramaṇyā
sākaṃ lokādhināthādhikaruci bhuvanaikābhirāmābhireme
2.270
indraprasthāya pārthapriyakṛdatha gato yāmune kānanānte
kālindīṃ lobhayantīṃ hṛdayamudvahat khāṇḍavānanditārinaḥ
bhūyaḥ paitṛṣvaseyīṃ nṛpasadasi bhavānmitravindāmavindañjitvā saptāpi satyāmahṛta vṛṣavarānnagnajicannandanāṃ tām
First 153 of 254 passages. Read on