Krishnagiti 2.283

2.283

kuriñjirāgeṇa gīyate | campatāḷena vādyate
jagadudayabhṛtivilayaracanamayavihṛticayaratahṛdaya vitatadaya vijayasakha jaya vibho
pallavam
jagati ke yadupate niravadhikaguṇatate
nutividhāvīśa te kimapi punarīśate [ jaga ]
kharakiraṇamadaharaṇakharakiraṇagaṇaśaraṇarathacaraṇadharaṇacaṇa vijayasakha jaya vibho [ jaga ]
śaraṇagatakṛpaṇajanamaraṇabhayaharaṇabhṛśanipuṇamṛducaraṇayuga vijayasakha jaya vibho [jaga]
praṇatasuraśaraṇavara kṛpaṇanarabharaṇakara
dharaṇibharaharaṇapara vijayasakha jaya vibho [ jaga ]
nigamanutanijacaritalasadamṛtarasamuditabahusukṛtamunivinata vijayasakha jaya vibho [jaga]
jaladhipatiduhituratisukhavihṛtisubhagataravipulavarabhujavivara vijayasakha jaya vibho [jaga]
valamathanamaṇikiraṇamadamathanarucisadanabhṛśakamanasadpaghana(1) vijayasakha jaya vibho [jaga]
stutyā tvāmantrya tuṣṭaṃ puramiha śipiviṣṭo'tituṣṭyā praviṣṭastūrṇaṃ durvarṇaśailāttvamapi nijapuraṃ śrīsuparṇādhirūḍhaḥ !
rukmiṇyai varṇayāmāsitha tadatha mudaṃ sāpa cājījanastvaṃ
bhāryāsvāryāsu bhūyo daśa daśa sukumārān kumārānudārān