Krishnagiti 2.289

2.289

avinītamapanīya dūramavanīyamavanīye(1)
ti viracito niyatamavatāro
bhavatā tu padapatitabhavatāpabharaharaṇabharitādareṇa dharaṇāvayamudāro (vija)
bāṇo'yamadhikamavinīto'pi bhavato
na viśasituṃ samucito vibudhakulavairī
nataparāyaṇa mayā khalu purā nanu murāntaka
vitīrṇabhayo mama tu paricārī (vija)
taruṇenducūḍa karuṇāmbudhe mama ca paramanumataiva bhavatā vāgabhihiteyaṃ
purahara purā virocanakuloditamiha na viśasitāhamiti saṃśrutamidamaheyaṃ (vija)
madbhāraharaṇāya tava caraṇasevinopyadalayamamuṣya pṛthubhujanikāyaṃ
nanu sakhe paśupate paraṃto balisuto
dhṛtacaturbhuja eva jagati bhavitāyaṃ (vija)
samatattvavedini sarvasvatritaritari
caitasya pitari yaddhṛdayi mama dāse
saṃmado nanu manasi jṛmbhate śaśvadapi
tadvadiha tasya tanaye'pi tava dāse (vija)
na ca mṛtirna ca jarā na ca kuto'pi ca bhayaṃ
na ca parābhavakathāpyasya bhūyāt
mahiteṣu nikhileṣu nijakeṣu bhṛtakeṣu
parameṣa parameśa niyatamapi bhūyān (vija)
tvāṃ jagati yo bhajati māmapi ca yo bhajati
tāvubhāvapi giriśa tava mama ca dāsau
nikhilaguṇavāridhe nirupamayaśonidhe
nāmasu bhidāṃ vinā kā nau bhidāsau (vija)
anyonyaṃ tau prasannāviti kimapi hasantau bhaṇantau bhavantau
yāntau svaṃ svaṃ niśāntaṃ nijanijabhṛtakairulasantau nitāntam
nidhyāyāthāniruddhaṃ saha ca dayitayā hanta te bandhutā sā
magnā saṃmodasindhau muramathana yathā naṣṭamāsādya ratnam