Krishnagiti 2.293

2.293

āharirāgeṇa gīyate
ekatāḷena vādyate
śa‍ṛṇutādarato bata nṛganṛpaterupadeśaparaṃ sumahinacaritaṃ
bahumatiriha kā mādṛśadāne
smṛta iha mahitai nṛganṛpadāne
pallavam
na harata na harata dhṛtamohabharāḥ
mahisuravasu kimapi ca lobhaparāḥ ( naha )
nākādikabhogādikasukṛtaṃ
śokāya phalāvasitau niyataṃ
arpitamidamiha mayi bodhamaye
muktidamiti kalayata yūyamaye ( naha )
tiṣṭhatu nikhilaṃ purusukṛtatatau
dvijaśāpena vipannṛganṛpatau
api janitā kiṃ punaritaranare
kiñcidanājitasucaritanikare (naha)
ajñānātpatitā gauraitau
bhūsuranāthau bhṛśamanunītau
sucaritajalanidhiravanīpātā(1)
tadpīdṛśavipadiha bata jātā (naha)
kukalāsakatā jagati nikṛṣṭā
kṛpayaiva tayorajani viśiṣṭā
kṣitisurajanatā suratarusamitā
muditā kupitā hutavahasamitā (naha)
vipradhane punarajñānahṛte
doṣo'yamiyāndhīpūrvahṛte
kvacidapi kathamapi na samādhānaṃ
kalayata tadidaṃ miḷadvadhānaṃ (naha)
hehayarāḍapi bhūrivimohānṛnu sa purā khalu bhūsuramāhāṃ (1)
bahumatasacivavacā bata hṛtavān
nṛpakulamakhilaṃ laghu saṃhṛtavān ( naha )
ajarayadaśanairgirijo hi viṣaṃ
durjaramakhilairbrahmasvaviṣaṃ
dahati hi viṣamiha paramadanakṛtaṃ (2)
brahmasvaviṣaṃ kulamapi niyataṃ ( naha )
dvijavasu yadi duranujñāpahṛtaṃ
puruṣatrayamātanute patitaṃ
yadi punariha bata balato'pahṛtaṃ
daśa pūrvān daśa ca parānniyataṃ ( naha )
duriteritamatiriha yo hi pumānnijakaradattāṃ dvijavṛttimimāṃ
svayamevāpaharedapi ca mitāṃ
śakṛti bhajeta sa śiva śiva krimitāṃ ( naha )
yāvadreṇusico mukhajātatate
raśrukaṇā dharaṇī draviṇahṛteḥ
tāvadvarṣaśataṃ draviṇaharo
nipatati kumbhīpāke sa naro ( naha )
mahisuravittāvaparādhakaro
mahitādhidharo dharaṇipatikaro
gadavidhuro bhavati ca gatasukṛto
vikalatarāyū ripunṛpavijito ( naha )
vipriyamiha kalpayati prayatā
viprasabhā jagati hi viprakṛtā
kṣipramasāvapratimamanalpaṃ
tatparicaratāniśamavikalpaṃ ( naha )
droḍhuṃ prauḍhaguṇānmahīsuragaṇānmā mā bhavanto manāgīhantāṃ manasāpi hanta śapato vā nighnato vā krudhā
ete jātu kṛtāparādhavidhayo'pyārādhanāyā janairbhūdeveṣu nikārakṛnmama bhujādaṇḍo'pi khaṇḍyo bhavet