Krishnagiti 2.302

2.302

śaṅkarābharaṇarāgeṇa gīyate
ekatāḷena vādyate
sa hi tāṃ sahasādita mārutaye
sahitāṃ sahasā parigṛhya parāṃ
samarocitabhūmisamato gatavān
savṛkodaraśakrasuto'pi bhavān
prathitau bhuvi māgadhavāyusutau
yudhi tau kuśalau dṛḍhabāhubalau
kupitau tarasātha mitho ghaṭitau
dviradau samadāviva ghoragadau
vidhṛtoruratī vivarāvagame
vividhaṃ ca viceraturatra raṇe
viṭapasya vipāṭanayārivadhe
vidadhātha nayaṃ vibudheśa mṛdhe
tadvetya nipātya maruttanayo
viniveśya tadīyapade svapadaṃ
nijapāṇiyujā paramasya padaṃ
kalayannabhinadgudato bata taṃ
amunā samudā tarasā dalite
jarasā tu purā tarasā ghaṭite
vyathitā janatā śakale khalu te
sakalā samalokata lokapate
parirabhya vṛkodaramīśa bhavānvijayo'pi vibho nikaṭaṃ gatavān
ādhikyaṃ madayannati saṃmadvānapi taṃ bhagavannabhinanditavān
bhīmeneti jarāsute yudhi hate tenaiva saṃpāśitān
bhūpānāśu vipāśya bhaktivivaśānāśāsya muktiṃ mudā
tatputraṃ ca jagatpate'tha sahadevaṃ tatpade kalpayan
gatvā tu prakṛtaṃ vitānamatanostvaṃ rājasūyābhidham