Krishnagiti 2.304

2.304

nāṭṭarāgeṇa gīyate
campatāḷena vādyate
nādeya(1)mapi ca naradevamapi sahadevamadhikajaḷabuddhimapi dhigdhigetān
tāpasānapi muditamānasān bhūsurān
vinayabharabhāsurān dhigdhigetān
pallavam
apacitiṃ viracitāmanucitatamāṃ
kathameṣa viṣaheta damaghoṣajanirimāṃ ( apa )
śiśunāyakaṃ yuvatināyakaṃ bahunāyakaṃ
vṛddhanāyakaṃ dhigdhigetat
api rājyatantramapi ca bhavatāṃ vyavasitaṃ
niyatamiha durdhiyāṃ dhigdhigetat ( apa )
api sati sabhājane sumahati sabhājanaṃ (1)
yuktamidamasminnasattame kiṃ
jātihīne guṇairapagate niṣkriye
yuktamidamasminnasattame kiṃ ( apa )
varamātulāhitavadhe lokabāhye ca
yuktamidamasminnasattame kiṃ
kaitavāhitalaḷitarūpe virūpake
yuktamidamasminnasattame kiṃ ( apa )
niṣkiñcane niṣparigrahe niṣkaḷe
yuktamidamasminnasattame kiṃ
vihitavṛṣasaṃsthe pṛthagjanakṛtārcane
yuktamidamasminnasattame kiṃ ( apa )
kulayuvaticāritravidhvaṃsanotsuke
yuktamidamasminnasattame kiṃ
yatsmaraṇamapi hanta paramasukhadāyakaṃ
yuktamidamasminnasattame kiṃ ( apa )
vacasālamapacitiṃ na khalu gopahatake
śiśupālanṛpāla iha saheta ( apa )
karṇāruntudamasya vākyamaśanairākarṇya dīrṇāśayā
karṇau hanta pidhāya sādhujanatā tūrṇaṃ tato niryayau
nāsau kiñcana saṃcacāla ca bhavān pañcānano'yaṃ yathā
gomāyoratha nisvanaṃ niśamayan bhūmātirekāspadam