Krishnagiti 2.312

2.312

gāṃbodhirāgeṇa gīyate
ekatāḷena vādyate
tyaja sumukhākulabhāvaṃ-kṛṣṇa
dṛḍhataramāvaha bhāvaṃ
raṇaviratirmahipānāṃ-kṛṣṇa
kathamucitā mahitānāṃ
tat tyaja yudhi saṃdehaṃ-kṛṣṇa
tiṣṭha na bata mandehūṃ
raṇavidhiratipṛthubāho-kṛṣṇa
suniyatagatiśubhavāho
gurujanahṛdi viśikhānāṃ—kṛṣṇa
nikaraṃ niśitaśikhānāṃ
praharāmyapagataśaṅkaṃ—kṛṣṇa
kathamajitāhitapaṅkaṃ
visṛjan gurujanaghātaṃ—kṛṣṇa
vipinamito munijātaṃ
madayanniha nivaseyaṃ—kṛṣṇa
maduditamidamavaseyaṃ
priyasakha hata iha ko vā—kṛṣṇa
trijagati hantā ko vā
rahito vikṛtibhirātmā—kṛṣṇa
sacarācarabhūtātmā
bālyayuvatvajarā vā—kṛṣṇa
dehe syuriha yathā vā
tadvanmṛtirapi seyaṃ—kṛṣṇa
bhavateti vyavaseyaṃ
(1) visṛjanvasanaṃ jīrṇa—kṛṣṇa
navamayati yathā tūrṇaṃ
tadvadasāviha dehī-kṛṣṇa
dehāntaramatimohī
bhajati yadiha tu dehaṃ--kṛṣṇa
tyajatīdamasandehaṃ
vyasanaṃ visṛja sa tattvaṃ--kṛṣṇa
kalayanmanasi satatvaṃ
priyasakha vidhutaviśaṅkaṃ-kṛṣṇa
raṇamiha vigatakaḷaṅkaṃ
dharmamidaṃ kuru rājñāṃ-kṛṣṇa
saumya vidhehi mamājñāṃ
mahitārthagabhīreṇa paramārthatareṇa ca
valgunā vacanenādhāḥ phalgunaṃ prathanotsukam