Krishnagiti 2.319
Kṛṣṇagīti 2.319
- Language
- Sanskrit
2.319
guruvadhūśaṃsanādānetumindhanaṃ
kvacidahani vayamitā ghoravipinaṃ ( svā )
jalamuco vavṛṣurapi raviraparaparvataṃ
bata gato jagadajani tamasāvṛtaṃ ( svā )
anyonyamasmābhirayi kalpitabāhukaṃ
vanyāsu bata paribhrāntamadhikaṃ ( svā )
uditavati divasakṛti gururidaṃ viditavān
vipinamitavān vacanamiti gaditavān ( svā )
prāṇānanādṛtya duḥkhitā matkṛte
yūyamiha bata vane kesarivṛte ( svāga )
mahitataraśubhravatāṃ prabhavatāṃ hi bhavatāṃ
bhavatāṃ manoratho laghu saphalatāṃ(1) ( svāga )
etāni gurukule racitāni caritāni
bhavatā kimapi sakhe vismṛtāni ( svāga )
uktvaivaṃ paṭakhaṇḍato'sya pṛthukaṃ hṛtvā bhavānādarād
bhuktvā muṣṭimitaṃ ca tuṣṭimitavān bhūtiṃ dadau bhūyasīm
bhaktyā tṛptamanāḥ sa ca svasadane svargopame saṃsthitastvaddhyānoddhutaviśvapāpavisaro muktiṃ śanairāptavān