Krishnagiti 2.325

2.325

kānakuriñjirāgeṇa gīyate
campatāḷena vādyate
jaya jaya ramāramaṇa jaya jaya jagatpate
jaya jaya dharāramaṇa jaya jaya surapate
pallavam
jaya jaya janārdana murārdana dayālo
jaya jaya janārcitapadāmbajapatayālo (1) [ jaya ]
jaya jaya jagannivahapālanākulamate
jaya jaya bhujaṅgaśayanāhitarate [ jaya ]
jaya makuṭataṭaghaṭitamaṇivijitadinapate
jaya nayanayugaḷadhṛtanaḷinavitate [ jaya ]
jaya kamanataravadanajitatuhinadīdhite
jaya nāsikātulitatilasumatate [ jaya ]
jaya daśanavasanaruciruciraradasaṃhate
jaya makarakuṇḍaloditarucitate [ jaya ]
jaya lalitagaḷatalollasitakaustubhamaṇe
jaya gadāryamburuhakambupāṇe [ jaya ]
jaya vipulabhujavivaravitatahārātale
jaya jaṭharakuharagatabhuvanapāle [ jaya ]
jaya nābhinaḷinagataśatadhṛte narahare
jaya jaghanavītapītāmbara hare [ jaya ]
jaya caraṇasarasiruhayugasatatanatayate
jaya sajalajaladavarasadṛśadyute [ jaya ]
praṇuvantamiti praṇayākulitaṃ
praṇamantamaraṃ prasadātibharam
prabhavantamalaṃ sa bhavantamamuṃ
prajagāda bhavān pratatātimudā