Arjuna and the Hunter 7.46

Ghaṇṭāpatha 7.46

Language: Sanskrit

7.46

bhayāditi || māninī | durlabhasvayaṃgrahaṇeti bhāvaḥ | ambhasi jale jhaṣeṇa matsyenāhate sati | ‘pṛthuromā jhaṣo matsyaḥ’ ityamaraḥ | bhayādiva | vastutastu na tatheti bhāvaḥ | kiṃtu mudautsukyenaivāśliṣya priyamānandayati sma | tathāhi | rāmāḥ striyo'kṛtrimo'nāropito yaḥ premaiva rasastenāhitairjanitaiḥ kṛtakaiḥ | kṛtrimairapītyarthaḥ | īhitaiśceṣṭitairmano haranti | āropitamapi bhayaṃ premamūlatvānmanoharaṃ babhūvetyarthaḥ | atrālyātubhāvena bhayena sahajarāganigūhanānmīlanālaṃkāraḥ‘mīlanaṃ vastunā yatra vastvantaranigūhanam’ iti lakṣaṇāntarasaṃbhavādarthāntaranyāsena saṃsṛjyate ||

Previous: 7.44
Next: 7.47
Up: 7

Linked texts (1)

Kirātārjunīya — Bhāravi, Sanskrit