Arjuna and the Hunter 7.6

Ghaṇṭāpatha 7.6

Language: Sanskrit

7.6

nipīyamāneti || śilīmukhairalibhiḥ | 'alivāṇau śilīmukhau' ityamaraḥ| nipīyamānaḥ stabako guccho yasyāḥ sā | calā bālapallavā yasyāḥ sā | ataevāmandaṃ dṛḍhaṃ dṛṣṭa oṣṭho yasmiṃstatkarāvadhūnanaṃ karakampanaṃ tadviḍambayantī | stabakapānenauṣṭhadaṃśanaṃ pallavacalanena karāvadhūnanaṃ cānukurvatītyarthaḥ | dhūño ṇyantāllyuṭ | ṇici dhūñprīño rnugvaktavyaḥ | aśokayaṣṭiḥ aśokaśākhetyarthaḥ | vadhūjanairdadṛśe dṛṣṭā | atra viḍam yantīti prastutāśokaśākhāviśeṣaṇabhūtopamāmahimnāprastutanāyikāpratīteḥ samā soktirutthitthānānatayaivopamayāṅgāṅgibhāvena saṃkīryate ||
atha kaścinmadhukarākrāntāṃ kāṃcidāha-

Previous: 7.5
Next: 7.7
Up: 7

Linked texts (1)

Kirātārjunīya — Bhāravi, Sanskrit