Arjuna and the Hunter 8.49

Ghaṇṭāpatha 8.49

Language: Sanskrit

8.49

ādṛtā iti || parirambhā āliṅganāni nakhapadairhetubhirādṛtā abhimatāḥ | 'hetau' iti tṛtīyā | tathā cumbitāni cumbanāni ghanadantanipātairgāḍhadantakṣatairhetubhirādṛtānīti liṅgavipariṇāmaḥ | suratasukhoddīpakatvānnakhadantakṣatapūrvakeṣvāliṅganacumbaneṣvādaraḥ saṃvṛtta ityarthaḥ | nanu sukumāre kāmatantre kathaṃ pīḍākareṣyādara iti na vācyamityāha—saukumāryeti | saukumāryameva guṇastena saṃbhṛtakīrtirlabdhayaśāḥ kāmaḥ surateṣu saṃbhogeṣvapi | na kevalaṃ vipralambheṣviti bhāvaḥ | vāmaḥ krūra eva | sukumāraḥ kāma iti vādamātram | vastutastu pīḍayanneva sukhamāvahatīti bhāvaḥ | sāmānyena viśeṣasamarthanarūpo'rthāntaranyāsaḥ ||
athābhyantaraṃ ratamāha-

Previous: 8.48
Next: 8.50
Up: 8

Linked texts (1)

Kirātārjunīya — Bhāravi, Sanskrit