Ashtaprasa 40
Commentary on the Aṣṭaprāsa (Setuśāstrin) 40
- Language
- Sanskrit
40
cūlībhūtaḥ śirolaṃkārabhūtaḥ jaṭākalāpaḥ jaṭāsamūhaḥ yasya tam | iṣudhyā tūṇena | 'tūṇeṣudhī upāsaṅgaḥ' iti ratnakośaḥ | vyālīḍhaḥ saṃyuktaḥ vāmāṃsaḥ yasya tam | kālīyāt sarpaviśeṣāt adhikabhīmaṃ adhikabhayaṃkaraṃ yat kārmukaṃ tasya dharaṃ dharantam | nālīke iva paṅkaje iva ramye manojñe īkṣaṇe netre yasya tam | kālyāḥ raṇakālyāḥ raṅgaṃ āvāsasthānaṃ yadraṇaṃ tatra tiṣṭhati iti raṇasthaḥ yaḥ rāvaṇaḥ tasya śirāṃsyeva tālīphalāni tālaphalāni teṣāṃ bhraṃśanākrāntameva kelī tayā tarpitā saṃtarpitā kaṃkavāyasaśivāḥ gṛdhrakākajambukāḥ teṣāṃ pālī paṅkiḥ yasya tamekaṃ mukhyam ||
Linked texts (1)
- Aṣṭaprāsa — Rāmabhadra, Sanskrit