Pramāṇa · Search · About · API

Ashtaprasa 68

Commentary on the Aṣṭaprāsa (Setuśāstrin) 68

Language
Sanskrit

68

yaḥ prājāpatyacarupraklṛptajananaḥ brahmapreṣitadivyapāyasasaṃbhūtaḥ kṣmājāṃ sītāṃ priyāṃ patnīṃ prāpya ājau yuddhe utkaṃ sotkaṇṭhaṃ api jāmadagnyaṃ paraśurāmaṃ jitaṃ vidadhe | ājānvāyatabāhuḥ atidīrghabāhuḥ antikamahībhājā samīpasthitena anujena lakṣmaṇena āvṛtaḥ satāṃ pūjākarmaphalaṃ raghūṇāṃ rājā sa rāmaḥ me manasi vaset ||

Linked texts (1)