Devishataka 28
Devīśatakavivṛti 28
- Language
- Sanskrit
28
(pratipādaṃ pratilomānulomaḥ) (saṃdānitakam) sā devī aktā vyaktā pāyādavyāt | yendrahitāya śakraśreyorthaṃ raṇaṃ saṅgrāmaṃ samāyayau samājagāma | evaṃ vyaktāvyaktasvarūpiṇī devītyuktaṃ bhavati | yā samāyayā sakapaṭayārisenayā śatrupṛtanayā na jitā nābhibhūtā | api ca mugdhatayā kṛśatayā yuktaḥ sa māścandro haraṃ mahādevamāśritaḥ saṃśliṣṭaḥ san sphuṭaṃ nūnaṃ yayā devyā samā tulyā manojñatā rāmaṇīyakatvāni yayāce prārthayāmāsa | tatsamalāvaṇyecchuścandraḥ sphuṭaṃ haraṃ yācate |
Linked texts (1)
- Devīśataka — Ānandavardhana, Sanskrit