Andhra Mahabharatamu 1.3.70

1.3.70

సీ. విగతాఘుఁ డైన యాభృగునకుఁ బుత్త్రుఁడై | చ్యవనుండు పుట్టె; భార్గవవరుండు
జనవంద్యుఁ డతనికి మనుకన్యకకుఁ బుట్టె | నూరుల నౌర్వుండు భూరికీర్తి;
యతనికి నూర్వురు సుతులు ఋచీకాదు | లుదయించి రఖిల భూవిదిత తేజు;
లందు ఋచీకున కొందంగ జమదగ్ని | యనుముని పుట్టె; నాతనికిఁ బుట్టి
ఆ. రలఘుమతులు సుతులు నలువురు; వారిలోఁ | బరశురాముఁ డాదిపురుషమూర్తి
దండితాహితుండు గొండుక యయ్యును | దద్ద గుణములందుఁ బెద్ద యయ్యె.