Andhra Mahabharatamu 3.1.294

3.1.294

సీ. ‘దివిజాధినాథ! నా కవి యెల్ల నేటికిఁ? | బరమాస్త్రలాభంబ కర మభీష్ట;
మరులు సేసిన మహాపరిభవక్లేశంబు | వాపంగ నోపక యేపుటడవి
నురుదుఃఖితుల సహోదరుల నందఱఁ బెట్టి | చనుదెంచి మిన్నక చనిన నన్నుఁ
దగువారు జగములోఁ దెగడరే?’ నావుడు | సుతునకుఁ బ్రీతుఁడై శతమఖుండు
ఆ. గరుణ నిట్టులనియెఁ ‘బరమాస్త్రలాభంబు | నీకు నిష్టమేని లోకవంద్యు
గరళకంఠు నీశుఁ బరముఁ బ్రసన్నుఁగా | వేగఁ జేయు మధికయోగశక్తి.