The Great Epic of the Bhārata dynasty p40

p40

pāpāśaṅkī vināśotprekṣī | pāpameva vināśakāraṇaṃ duritameva | manīṣitaṃ manasi sthitam || (5) bhāvam¹ uttarottarasattām || (6) mithyopetāni chadmayuktāni | anupāyena puruṣavyāpāraṃ vinā | tatra hi daivaṃ kāraṇam, puruṣeṇānuṣṭhīyamānaṃ na sidhyati || (7) yogaḥ śāstram | upāyayuktaṃ duṣṭaiḥ sādhanaiḥ saṃpannam | tadārabhyamāṇamapi manoglānikarameva || (8) anubandhān ārambhānantarapratibandhān | saṃpradhārya vimṛśya | vegena autsukyena || (9) vipākān virūddhān pariṇāmān | [Fol. 24a] utthānam udayam | anubandha...pariṇāmayoḥ satorapyudayalobhātkurvīta | athavā tābhyāṃ dūṣitatvādudayaphalamapi na kurvīteti paramārthaḥ || (10) sthāne tadavasthāyām | kośe janapade daṇḍe senāyāṃ pratyekameṣu ye sthānavṛddhikṣayāsteṣvanubandhavipākodayalakṣaṇāni pramāṇāni yo na veda na sa rājye prāpte'pyavatiṣṭhate sthiro na bhavatītyanvayaḥ || (11) yukta ekāgraḥ || (12) asāṃpratam ayuktam | (13) bhakṣyottamena kiṃ ca ulūkakaṇikādinā rūpa-mātradarśanena abhipatati dhāvatītyevaṃśīīlaḥ || (14) pariṇabhet rasabhāvena jīryet | adyaṃ bhakṣaṇīyam || (15) bījam aṅkurahetuḥ || (17) avihiṃsayā avināśena || (19) kuryāt phaladarśanāt | na kuryāttadadarśanāt || (20) nityaṃ tathāgatāḥ kartumaśakyāḥ samuddhrata[Fol. 24b]ṇādayaḥ | tathā poṇḍavānmūlanamapīti bhāvaḥ || (21) laghumūlān laghūpāyān || (22) ṛju krodhādikṛtavikārahīnam pibanniva sneheneti śeṣaḥ | tūṣṇīkamāsīnam udāsīnam | anurajyanti anurāgaviṣayaṃ kurvanti || (23) cakṣurādibhiścaturbhiryo lokaṃ prīṇayati tasmim̐llokaḥ prīyate || (25) anaye sthitaḥ anaye sthairyavān || (27) pratisaṃveṣṭate saṃkucati | arthāntameva yathā jana iti śeṣaḥ || (28) ya eva yādṛśaḥ | sa eva tādṛśaḥ || (29) na jahāti śriyaṃ svayamapi na hīyate nālpāyurbhavati || (30) pa[risraṃ]paṃta² itastato dhāvataḥ || (31) saṃcinvan ekaikaṃ gṛhītvā samuditaṃ kurvan | śilāhārī kaṇiśabhojī, śilṃ kaṇiśam, yathā || (33) duhurhā balavadbhiḥ [puru]ṣai² rbadhvāpi duhyata iti duḥkhamanubhavati | evaṃ rājyamavibhajantastvatputrā³ api prāṇāntamanubhaviṣyantīti bhāvaḥ || (34) [Fol. 25a] yadnataṃ vaṃśādi praṇamati tanna lohādivatsaṃtāpyate | yacca svayam ātmanā nataṃ dāru tanna śa...vaṃśādivannāmyate || (35) indrāya parameśvarāya || (36) parjanyanāthāḥ tena tṛṇādijananāt | mitrabāndhavāḥ taiḥ samaye upakriyamāṇatvāt | patayo bāndhavā bharaṇapoṣaṇādyupakārakaraṇatvāt | vedabāndhavā vedena jñānānuṣṭhānakaraṇāt || (37) yogena abhyāsena | mṛjayā udvartanasnānādinā | (38) mānena rakṣyate dhānyam amitaṃ hi rakṣāṃsi janāśca harantīti lokaśrutiḥ | anukramo dhuri bandhanam | abhīkṣṇadarśanaṃ punaḥ punardarśanam | acelatā⁴ vastrahīnatā | acelatayā hi lajjamānā mukhamapi nekṣate parasya || (39) kulaṃ prācyo'nvayaḥ || (40) īrṣyuḥ asahiṣṇuḥ | kule pūrvasaṃtāne | anvaye putrādyuttarasaṃtāne | anantakaḥ kulādīnā [Fol. 25b]manyatamadarśanādapi | īrṣyānalotpādasya nityasulabhatvāt || (41) akāle phalasiddheḥ prāk | uttaratra mantrabhede'pi na doṣaḥ | yadi pu[na]rna⁵ bibhiyād yena madyena mādhyeta tadapi pibet | madyameva pītaṃ syādityarthaḥ ||