The Great Epic of the Bhārata dynasty 13.14.92

Bhāratabhāvadīpa 13.14.92

Language: Sanskrit

13.14.92

ka iti | īśe īśasya bhavane sattāyāṃ ko hetuḥ kā yuktiḥ | īśasattve pramāṇaṃ nāstītyarthaḥ | tatra hetuḥ- kāraṇakāraṇe iti | kāraṇaṃ hi kalaśasya kapālakulālādivat jagataḥ paramāṇumaheśvarādikaṃ vā triguṇātmakaṃ pradhānaṃ vā kṣīrādivajjagadākāreṇa pariṇamamāṇaṃ tādṛśakāryadvārā'numātuṃ śakyam | kāraṇakāraṇaṃ tu na kvacitprasiddhaṃ nāpi kalpayituṃ śakyaṃ kāraṇakalpanayaiva arthāpattiparikṣayāditi bhāvaḥ | punaḥśabdo vākyālaṅkāre | saptamī ṣaṣṭhyarthe, bhavane iti bhāve lyuṭ | yena yato hetoḥ śarvāt śṛṇāti hinasti pralayakāle kṛtsnaṃ saṃharati tasmāt | varaṃ kāṅkṣati tasmāt dāhopaśāntyai vahnimiva saṃhartāraṃ varārthamārādhayan mūḍho'sīti bhāvaḥ ||

Previous: 13.14.90
Next: 13.14.93
Up: 13.14

Linked texts (1)

Mahābhārata — Vyāsa, Sanskrit