The Great Epic of the Bhārata dynasty 13.14.93

Bhāratabhāvadīpa 13.14.93

Language: Sanskrit

13.14.93

etaddūṣayatyupamanyuḥ sadasaditi | saditi pravāhānāditvaṃ mīmāṃsakamatam | asaditi śūnyaṃ mādhyamikamataṃ vyaktaṃ paramāṇavaḥ tārkikamatam avyaktaṃ pradhānaṃ sāṅkhyamatam etaccatuṣkamapi yadabhinnamāhuḥ tat nityam avināśi ekam asaṃhataṃ paramaśivākhyam | anekaṃ kāryakāraṇātmakaṃ tasmādvaraṃ vṛṇīmahe | ayaṃ bhāvaḥ- yathā bījaśaktervilasitam aṅkurakāṇḍaskandhaśākhāpallavapatrapuṣpaphalabījāntaṃ vikāra utpattipralayavān tasya ca prakṛtirekā nityā sarvaviśeṣaśūnyā mṛdasti sā ca bījaśaktyaspṛṣṭā'nekarūpā ca bhavati | evam avyaktādikaṃ sarvaṃ bījādisthānīyaṃ yatra līyate tatparamaśivākhyaṃ tattvaṃ kāraṇakāraṇamastīti na tadapahnotuṃ śakyamiti ||

Previous: 13.14.92
Next: 13.14.94
Up: 13.14

Linked texts (1)

Mahābhārata — Vyāsa, Sanskrit