The Great Epic of the Bhārata dynasty 6.27.27

Bhāratabhāvadīpa 6.27.27

Language: Sanskrit

6.27.27

avidvānkathaṃ karmasu sajjata ityata āha - prakṛteriti | prakṛteḥ pārameśvaryāḥ satvarajastamoguṇātmikāyāḥ “devātmaśaktiṃ svaguṇairnigūḍhām” iti śrutiprasiddhāyāḥ śakterguṇaiḥ kāryakāraṇasaṅghātātmakaiḥ kriyamāṇāni karmāṇi ahaṅkāreṇa svasminnadhyastena vimūḍhaḥ tadīyānkartṛtvādīnātmadharmatvena paśyan ātmanaścāsaṅgānandasaṃvidrūpatāmapaśyannātmā ahaṅkāreṇa vimūḍhaścāsāvātmā ceti vigrahaḥ | ahaṃ karmāṇi karomi karmaṇāṃ karteti manyate kartradhyāsena | kartāhamiti tṛnpratyayastena “nalokāvyayaniṣṭhākhalarthatṛnām” iti ṣaṣṭhīniṣedhaḥ | anyathā tṛcpratyaye karmaṇāṃ kartāhamiti ṣaṣṭhyā bhāvyam ||

Previous: 6.27.26
Next: 6.27.28
Up: 6.27

Linked texts (1)

Mahābhārata — Vyāsa, Sanskrit