The Great Epic of the Bhārata dynasty 6.27.35

Bhāratabhāvadīpa 6.27.35

Language: Sanskrit

6.27.35

yasmādevaṃ tasmācchreyānpraśastataraḥ svadharmaḥ svasya varṇāśramānurūpyeṇa īśvareṇa vihitatvāt | viguṇo hiṃsādimiśro'pi kiñcidaṅgahīno'pi paradharmāddhiṃsādidoṣarahitaparadharmāpekṣayā svanuṣṭhitātsarvāṅgopasaṃhāreṇa samyaganuṣṭhitādapi sa eva śreyān | svadharme yuddhādau nidhanaṃ maraṇamapi śreyaḥ | vihitatvāt | parasya dharmo bhaikṣacaryādirbhayāvahaḥ | kṣatriyasya tava niṣiddhatvāt | tasmātsvatantreṇa tvayā svadharma evānuṣṭheya iti bhāvaḥ ||

Previous: 6.27.34
Next: 6.27.36
Up: 6.27

Linked texts (1)

Mahābhārata — Vyāsa, Sanskrit