The Great Epic of the Bhārata dynasty 6.29.9

Bhāratabhāvadīpa 6.29.9

Language: Sanskrit

6.29.9

na lipyata ityetadupapādayati - naiveti dvābhyām | tattvavit ahaṃ naiva kiñcitkaromīti manyeta manyate | tatra hetuḥ- indriyāṇi | upalakṣaṇamidaṃ prāṇāderapi | indriyādaya indriyārtheṣu sveṣu viṣayeṣu vartante iti dhārayanniścinvannatvahaṃ viṣayeṣu varte iti manyate | dhārayanniti hetau śatṛpratyayaḥ | atra darśanādayaḥ pañcajñānendriyāṇāṃ vyāpārāḥ | gamanavisargapralapanagrahaṇāni karmendriyāṇām | tāni ca ānandasyopalakṣaṇāni | śvasanniti prāṇasya, svapanniti buddheḥ, unmeṣaṇanimeṣaṇe kūrmākhyaprāṇasyeti vibhāgaḥ | kramastvavivakṣitaḥ | etāni kurvannapyabhimānābhāvānna lipyata ityarthaḥ ||5.8 -- 5.9 ||

Previous: 6.29.7
Next: 6.29.10
Up: 6.29

Linked texts (1)

Mahābhārata — Vyāsa, Sanskrit