The Great Epic of the Bhārata dynasty 6.30.11

Bhāratabhāvadīpa 6.30.11

Language: Sanskrit

6.30.11

yogaṃ yuñjītetyuktaṃ tatkathamityākāṅkṣāyāṃ tadaṅgānyāsanādīnyāha - śucau deśe ityādinā | śucau svabhāvataḥ saṃskārato vā puṇye deśe sthāne pratiṣṭhāpya susthitaṃ kṛtvā sthiraṃ niścalam āste'sminnityāsanaṃ sthaṇḍilaṃ niścalamityanena mṛnmayameva sthaṇḍilaṃ natu kāṣṭhamayaṃ pīṭham | ātmana iti parāsanavyāvṛttyartham | nātyucchritaṃ nātyuccaṃ nātinīcam | cailājinakuśāḥ uttare uparyupari yasya taccailājinakuśottaram | ajinādupari cailaṃ kuśebhya upari ajinaṃ sthaṇḍilasyopari kuśā ityarthaḥ ||

Previous: 6.30.10
Next: 6.30.12
Up: 6.30

Linked texts (1)

Mahābhārata — Vyāsa, Sanskrit