The Great Epic of the Bhārata dynasty 6.30.12

Bhāratabhāvadīpa 6.30.12

Language: Sanskrit

6.30.12

pratiṣṭhāpya kiṃ kuryāditi tatrāha - tatreti | tatrāsane padmasvastikādyanyatamenāsanenopaviśya yatā nigṛhītāḥ cittasya kriyāḥ viṣayāṇāṃ smaraṇāni indriyakriyāsteṣāṃ grahaṇaṃ yenāsau yatacittendriyakriyaḥ | ataeva manaḥ bāhyābhyantaraviṣayānuparaktatayā ekaṃ dhyeyameva pratyaktatvam agre yasya sphurati nānyat tadekāgraṃ vṛttyantarānantaritabrahmaikākāravṛttipravāhi kṛtvā ātmaviśuddhaye cittaśuddhyarthaṃ yogaṃ vṛttipravāhasyāpi nirodhaṃ yuñjyādanutiṣṭhet | cittasya sthairyatāpādanena ||

Previous: 6.30.11
Next: 6.30.13
Up: 6.30

Linked texts (1)

Mahābhārata — Vyāsa, Sanskrit