The Great Epic of the Bhārata dynasty 6.30.24

Bhāratabhāvadīpa 6.30.24

Language: Sanskrit

6.30.24

atha śamadamoparamasamādhānāni krameṇa ślokadvayena vidhatte - saṅkalpeti | saṅkalpa idaṃ me bhūyāditi cetovṛttistata udbhavo yeṣāṃ tānkāmānkāmyamānānviṣayānaśeṣato vāsanocchedapūrvakaṃ saṅkalpanirodhena tyaktvā | etenāntarindriyanigrahalakṣaṇaḥ śama uktaḥ | bāhyendriyanigrahalakṣaṇaṃ damamāha - manasaiveti | viṣayadoṣadarśinā manasaiva sarvataḥ sarvaprakāreṇa śrotrādikamindriyagrāmaṃ samantataḥ sarvebhyo viṣayebhyo viniyamyoparamedityuttareṇānvayaḥ ||

Previous: 6.30.23
Next: 6.30.25
Up: 6.30

Linked texts (1)

Mahābhārata — Vyāsa, Sanskrit