The Great Epic of the Bhārata dynasty 6.34.19

Bhāratabhāvadīpa 6.34.19

Language: Sanskrit

6.34.19

atrottaraṃ śrībhagavānuvāca -- hanteti | hanta idānīm | hantetyanumatau vā | divyāḥ purāṇāntareṣvapi śreṣṭhatvena prasiddhāḥ yā ātmavibhūtayastāḥ kathayāmīti yojanā | prādhānyata iti | yogopakāritvena vibhūtaya iha prādhānyena | yogastu saṅkṣepeṇaivocyate | tasyāgre vakṣyamāṇatvāditi bhāvaḥ | anyathā yogaṃ vibhūtiṃ ca kathayeti pṛṣṭe vibhūtimātrakathanenānavahitacittatvaṃ bhagavataḥ syāt | nāstyanto vistarasya me vibhūtināmiti vipariṇāmenānuṣañjanīyam ||

Previous: 6.34.18
Next: 6.34.20
Up: 6.34

Linked texts (1)

Mahābhārata — Vyāsa, Sanskrit