The Great Epic of the Bhārata dynasty 6.34.20

Bhāratabhāvadīpa 6.34.20

Language: Sanskrit

6.34.20

saṅkṣepeṇa yogamāha -- ahamiti | he guḍākeśa ! he jitanidra ! ghanakeśeti vā | ahaṃ vāsudeva ātmā atatītyātmā vyāpakaḥ | ataeva sarveṣāṃ bhūtānāmāśayaḥ ekībhāvasthānaṃ jalānāmiva kāsāro jalāśayastadvadahaṃ sarvabhūtāśayaḥ | sthitaḥ acalaḥ | “kharpare śari vā visargalopo vaktavyaḥ” iti vārtikena pakṣe visargalopaḥ | bhāṣye tu - sarveṣāṃ bhūtānāmāśaye'ntarhṛdi sthita iti vyākhyātam | sarvabhūtāśayatvādevāham ādirjanmakāraṇam | madhyaṃ sthitikāraṇam | bhūtānāmantaḥ layasthānam | sarvamidaṃ brahmāṇḍaṃ mayyevāstīti bhāvaḥ ||

Previous: 6.34.19
Next: 6.34.21
Up: 6.34

Linked texts (1)

Mahābhārata — Vyāsa, Sanskrit