The Great Epic of the Bhārata dynasty 6.36.14

Bhāratabhāvadīpa 6.36.14

Language: Sanskrit

6.36.14

santuṣṭo yadṛcchālābhenaiva sañjātālampratyayaḥ | satataṃ sarvadā | yogī śravaṇādau samāhitacittaḥ | yatātmā saṃyataśarīrendriyādisaṅghātaḥ | dṛḍhaḥ sthira ātmatattvaviṣaye niścayo yasya sa dṛḍhaniścayo'sambhāvanāśūnyo dṛḍhaśraddhāvān | mayi nirguṇe brahmaṇyarpite nihite pravilāpite vā manaḥ saṅkalpādirūpaṃ buddhiradhyavasāyaste ubhe yena sa mayyarpitamanobuddhiḥ | etādṛśo yo me mama bhaktaḥ sa me mama priyaḥ ātmatvādeva sa paramapremāspadam ‘jñānī tvātmaiva me matam’ ityuktam | etena pūrvaślokoktāyā nirahaṅkāratāyāḥ sādhanānyuktāni ||

Previous: 6.36.13
Next: 6.36.15
Up: 6.36

Linked texts (1)

Mahābhārata — Vyāsa, Sanskrit