The Great Epic of the Bhārata dynasty 6.42.3

Bhāratabhāvadīpa 6.42.3

Language: Sanskrit

6.42.3

idameva pakṣadvayamāha -- tyājyamiti | eke mukhyāḥ manīṣiṇo manonigrahasamarthāḥ paramātmani utpannavividiṣāṇāṃ puruṣāṇāṃ doṣavat rāgādayo yathā tyājyāstadvat karma tyājyamiti prāhuḥ | apare tu vividiṣārthinā yajñādikaṃ na tyājyamiti vā prāhurityanuvartate | tathā ca dvividhāḥ śrutaya upalabhyante “na karmaṇā na prajayā dhanena tyāgenaike amṛtatvamānaśuḥ”’ “kurvanneveha karmāṇi jijīviṣecchataṃ samāḥ” ityādyāḥ | avidvadviṣayamevaitatpakṣadvayam | viduṣāṃ tu karmasu pravṛttikāraṇasyājñānasya naṣṭatvātsvataḥsiddha eva tyāga iti na tānprati karmavidhirvā tattyāgavidhirvā pravartate | yathoktaṃ “na karmāṇi tyajedyogī karmabhistyajyate hyasau” iti ||

Previous: 6.42.2
Next: 6.42.4
Up: 6.42

Linked texts (1)

Mahābhārata — Vyāsa, Sanskrit