The Great Epic of the Bhārata dynasty 6.6.2

Bhāratabhāvadīpa 6.6.2

Language: Sanskrit

6.6.2

yāvāniti | śaśalakṣaṇe paramātmano jñāpake māyāśabale hārde brahmaṇi māyākalpito bhūmyavakāśo yāvān vyavahāradṛṣṭyā satyavatpratīyamāno yogivarairdṛśyate tasya pramāṇaṃ prabūhi | nanu kāraṇamevādau jñātavyaṃ yajjñānātsārvajñyaṃ bhavatīti vede prasiddhaṃ kiṃ dvīpajñānenetyāśaṅkyāha- tato vakṣyasi pippalamiti | śaśaṃ ca vakṣyasīti śeṣaḥ | prāgeva kāraṇajñānāttattadvibhūtikāryameva vadetyetena tatrātyantamādaro bhavatīti bhāvaḥ ||

Previous: 6.6.1
Next: 6.6.3
Up: 6.6

Linked texts (1)

Mahābhārata — Vyāsa, Sanskrit