Kundamala 2.26-2

2.26-2

sī—tado evva puṇṇacaṃdādo me asaṇipādo | (ka)
vā—kāmaṃ rāmādeva hi vipattimupāgatā ?
sī—aha iṃ | (kha)
vā—yadi tvaṃ varṇāśramavyavasthābhūtena mahārājena nirvāsitāsi tat
svasti bhavatyai, gacchāmyaham | (parikrāmati )
sī—aha viṇṇavemi—| (ga)
vā—kathaya
sī—jai rahuvareṇa ṇivvāsidetti bhañadā ṇāṇukaṃpaṇīā, esā
uṇa gabbhagadā rahusaaradilīpadasarahapahudīṇaṃ tādṛsīṇaṃ saṃtaditti dāṇiṃ paḍipālaṇīā | (gha)
vā—(pratinivṛtya) kathamikṣvākuvaṃśamudāharati, tadanuyokṣye | vatse !
kiñca daśarathasya vadhūḥ ?
sī—jaṃ bhaavaṃ āṇavedi | (ka)
vā—kiñca videhādhipaterjanakasya duhitā ?
sī—aha iṃ | (kha)
vā—kiñca sītā ?
sī--ṇahi sīdā, bhaavaṃ maṃdabhāiṇī | (ga)
vā--hā hato'smi mandabhāgyaḥ | kiṃkṛto'yamatrabhavatyāḥ prāsādatalādadho'vatāraḥ ?
sī—( lajjāṃ nāṭayati )
vā—kathaṃ lajjate ! bhavatu, yogacakṣuṣāhamavalokayāmi | ( dhyānamabhinīya ) vatse ! janāpavādabhīruṇā rāmeṇa kevalaṃ parityaktā,
natu hṛdayena | niraparādhā tvamasmābhiraparityājyaiva | ehyāśramapadaṃ gacchāvaḥ
sī—koṇu tumaṃ ? (ka)
vā—śrūyatām
so'haṃ cirantanasakhā janakasya rājñastātasya te daśarathasya ca bālamitram
vālmīkirasmi visṛjānyajanābhiśaṅkāṃ
nānyastavāyamabale śvaśuraḥ pitā ca